Markus 6:56 - Kaili Ledo

⁵⁶ Ri umba-umba ngata nikalau i Yesus, kana naria tona nanggeni tona nadua hau ri potomu. Bo niperapira nte i Yesus ante mpuu-mpuu ala tona nadua haitu mamala manggabe bajuNa, nau aga doena. Bo isema-sema nanggabe doe nu bajuNa, kana nabelo.

Markus 6:56 ပူးပေါင်းရင်းမြစ်များ

Matius 14:36

Niperapira nte i Yesus ala ira rapaloga nau aga mombakabe doe bajuNa. Bo pura-pura tona nanggabe bajuNa, kaliu-liu nabelo.

Matius 9:20

Ri tatanga dala naria saito mombine anu sapulu rompaemo nasimbunga njuu. Ia nanggaparai puri i Yesus bo nikabena doe baju i Yesus,

Markus 3:10

Nadea mpuu tona nipakabeloNa bara ipia sampe pura-pura tona nadua nosimpago nompasimbuku mompakapara nte Ia ala ira mamala manggabe Ia.

Markus 6:55

Jadi nangova ira hau ri ngata-ngata napara ri sia bo nikovara tona nadua ante ompa paturuna hau ri ngata nikakava i Yesus.

Lukas 22:51

Tapi i Yesus nombatagi ira, “Nee metimbe!” Bo nituiNa talinga ntona bo nipakabeloNa.

Lukas 6:19

Nadea tona nompasimbuku manggabe karo i Yesus sabana naria kuasa nu Alatala nesuvu lako nte Ia anu nompakabelo pura-pura ira.

Lukas 8:44

Mombine haitu nanggaparai puri i Yesus bo nikabena doe baju i Yesus. Kaliu-liu netaa raana.

Suro-Suro 4:12

I Petrus nompapola tesana, “Aga i Yesus namala mompakasalama manusia, sabana ri njumangu dunia ledo ria saitoa tona ntanina nipakakuasa nu Alatala mompakasalama manusia, aga i Yesus saitoNa.”

Suro-Suro 4:9

Kami nitangara sii-sii, sabana kami nantulungi saito topunggu, bo komiu madota mangisani berimba sampe tona hitu nipakabelo.

Suro-Suro 5:15

Nanggita kabaraka-kabaraka nipovia nu suro-suro, nadea tona nadua nikeni ante paturu bara ante ompa bo nituu ri dala. Apa nisarumakara ane moliu i Petrus ngena, nau aga vayona mambela sakide, mabelomo ira.