Markus 6:46 - Kaili Ledo

⁴⁶ Nogaapa nte todea, haumo Ia mosambaya ri bulu.

Markus 6:46 ပူးပေါင်းရင်းမြစ်များ

Markus 1:35

Nasadondo mpuu, da naruyona, nembangumo i Yesus bo nompalaisi banua. Ia hau ri ponturo nakalinoa bo nosambaya hamai.

Matius 6:6

Tapi ane komiu mosambaya, pesuamo riara ntombimiu, upimo vamba, bo posambayamo ka Alatala, Tuamamiu anu ledo nikita. Bo Alatala anu nanggita poviamiu nggalino haitu, mombadekei tambo ka komiu.

Lukas 6:12

Tempo haitu, i Yesus ante topangoseaka Ia hau nantende ri bulu. Nakava sumai Ia nosambaya ka Alatala njambongi ntua.

Matius 14:23

Naupu Ia nompopanjili todea, nantendemo Ia saitoNa mosambaya ri bulu. Nabongimo, da ri bulu Ia saitoNa.

1 Petrus 2:21

Alatala nompokio komiu mosabara riara kasusa, nau komiu ledo nasala. Apa i Kristus nombarasai kasusa ala manggeni belo ka komiu, bo nidekeiNa jonjo ka komiu ala komiu mompasiala pokaingguNa.

Markus 6:47

Nabongipa, ri tatanga ntasimo sakayara, tapi i Yesus da naboli ri kabatana.

Suro-Suro 18:18

Naliu haitu, da nadeapa mbongina i Paulus nonturo ri ngata Korintus, pade nopalakana nte topomparasaya hamai bo nesavi kapala ri pesampo Kengkrea hau ri propinsi Siria, nosanggani-nggani ante i Priskila bo i Akwila. Dopame ira nesavi kapala, i Paulus nombagausi buluana anu nipalambana mandoe nantuntuni ada ntoYahudi, sabana naria anu nijanjina ka Alatala.

Suro-Suro 18:21

Ia nopalakana nte ira bo nanguli, “Ane rapodota nu Alatala, tumai vai yaku.” I Priskila ante i Akwila naboli ri Efesus tapi i Paulus nesavi kapala ntasi bo napola sampe ri ngata Kaisarea.

2 Korintus 2:13

Tapi ledo natinda raraku sabana ledo niposinggavakuka sampesuvuta i Titus hamai, anu manggeni kareba lako nte komiu. Haitumo sabana yaku nopalakanamo nte toTroas, bo napola hau ri propinsi Makedonia.