Markus 6:41 - Kaili Ledo

⁴¹ I Yesus nangala lima-angu roti bo rombaa bau haitu, pade nitingoaNa langi bo nosambaya, nanguli tarima kasi ka Alatala. Naupu haitu, nitubi-tubiNa roti bo nidekeiNa ka ana-anaguruNa mompalele ka todea gahaitu. Ivesia muni nipoviaNa ante bau rombaa.

Markus 6:41 ပူးပေါင်းရင်းမြစ်များ

Matius 14:19

Naupu haitu nituduNa todea monturo ri kavoko. Bo nialaNamo lima-angu roti bo rombaa bau haitu bo nitingoaNamo langi bo nosambaya nanguli tarima kasi ka Alatala. Naupu nosambaya, nitubi-tubiNa roti pangane bo nidekeiNa ka ana-anaguruNa ala rabagi-bagira ka todea.

Matius 15:36

Bo nialaNa roti bo bau-bau kodi haitu bo nitingoaNa ri laerava, niuliNa tarima kasi ka Alatala. Naupu haitu nitubi-tubiNa roti bo bau haitu bo nidekeikaNa ka anaguruNa. Bo ira nombatibo-tibo kandea haitu ka todea.

Matius 26:26

Tempo ira da nangande, i Yesus nangala roti bo nosambaya nanguli tarima kasi ka Alatala. Naupu haitu nitubiNa roti haitu bo nibagiNa ka ana-anaguruNa bo nanguli, “Alamo roti hitu, bo kandemo. Hitumo karoKu.”

Markus 14:22

Tempo ira da nangande, i Yesus nangala roti bo nosambaya nanguli tarima kasi ka Alatala. Naupu haitu nitubiNamo roti haitu pade nidekeiNa ka anaguruNa bo niuliNa, <>

Markus 6:40

Jadi nonturomo ira notagu-tagu, naria saatu santagu, naria limapulu santagu.

Markus 6:42

Ira pura-pura nangande sampe nabosu.

Markus 7:34

Naupu haitu nitingoaNamo langi bo nosuu nosaNa bo nanguli, <> Batuana, <>.

Markus 8:19

Tempo Yaku nombatubi-tubi lima-angu roti ka lima-njobu tona, sako-tondapa labina nipasiromumiu?>> Nesana ira, <>

Lukas 24:30

Tempo Ia nonturo nangande sanggani ante ira, nialaNa roti pade niuliNa tarima kasi ka Alatala. Naupu haitu nitubiNa roti haitu bo nibagiNamo ka ira.

Lukas 9:16

Naupu sia i Yesus nangala lima-angu roti bo rombaa bau pangane, pade nitingoaNa langi bo niuliNa tarima kasi ka Alatala. Nitubi-tubiNamo roti ante bau haitu pade nidekeiNa ka anaguruNa mombabagi-bagi ka todea.

Yohanes 11:41

Naupu sia, nilelakaramo vatu mbaso nipombatutui dayo haitu. Pade nitingoa i Yesusmo langi bo nosambaya, “Tata, Yaku nosukuru sabana posambayaKu hitu niepeMiumo.

Yohanes 17:1

Naupu i Yesus notesa ivesia, nitingoaNamo langi bo niuliNa ivei: “Tata, nakavamo tempona! Popaisanimo kuasa bo kaogeKu ka tona ala Yaku, AnaMiu, mamala mompopaisani kuasa bo kaogeMiu.

Yohanes 6:11

Naupu haitu, i Yesus nangala roti bo nanguli tarima kasi ka Alatala. Bo nitubi-tubiNa roti haitu ka todea anu nonturo ri sia. Ivesia muni nipoviaNa ante bau. Bo tona dea haitu nangande sampe nabosu.

Yohanes 6:23

Naupu sia, nakavamo bara sakuya sakaya ntanina lako ri ngata Tiberias nesampo napara ponturo ntodea nangande roti naupu i Yesus nanguli tarima kasi nte Alatala.

Suro-Suro 27:35

Naupu notesa ivesia, nialanamo roti bo niulina tarima kasi ka Alatala ri ngayora pura-pura. Nitubi-tubina roti haitu, bo nangandemo ia.

Roma 14:6

Tona nompakaoge eo nipakatantu, sabana ira madota mompakadamba Tupu. Bo ivesia muni tona anu nangande mpengaya-ngaya kandea. Nikandera mpengaya-ngaya kandea sabana ira madota mompakadamba Tupu, bo niulira tarima kasi ka Alatala. Tona ledo nangande bau haitu, ledo nikandera sabana ira madota mompakadamba Tupu, bo ira muni nanguli tarima kasi ka Alatala.

1 Korintus 10:31

Jadi sampesuvu-sampesuvu, nuapa-nuapa rapoviamiu, nau mangande nau manginu, nau povia ntanina, povia puramo ala Alatala rabila bo ratoiya.

Kolose 3:17

Bo nuapa-nuapa rapoviata bara raulita, rapoviata bo raulita muni anu masipato ka topomparasaya i Pue Yesus. Bo raulita munimo tarima kasi ka Tuamata Alatala sabana anu nipovia i Yesus ka kita.