Markus 6:21 - Kaili Ledo

²¹ Kaupuna i Herodias nanggava loga nabelo ala i Yohanes mamala rapatesi. Ri eo pombatoraki Magau Herodes, nipoviana posusa bo nigagana pura-pura tomaoge, tadulako-tadulako bo totua-totua lako ri njumangu bagia Galilea.

Markus 6:21 ပူးပေါင်းရင်းမြစ်များ

Lukas 3:1

Ri kasapulu lima-mpaena poparenta Magau Mbaso Kaisar Tiberius, i Pontius Pilatus najadi gubernur ri bagia Yudea, bo i Herodes noparenta ri bagia Galilea. I Filipus, tuaka i Herodes, noparenta ri propinsi Iturea bo propinsi Trakhonitis, bo i Lisanias noparenta ri bagia Abilene.

Suro-Suro 25:23

Kamailena, nakavamo Magau Agripa bo i Bernike. Ira nitarima ante ada pebila ka magau. Ira nesua riara banua polibu nosanggani-nggani ante tadulako-tadulako bo tona naria nturona ri ngata haitu. I Festus nomparenta tantarana manggeni i Paulus mesuamo.

1 Petrus 4:3

Apa naganamo logamiu bara ipia nangoseaka pokainggu-pokainggu ntona ledo nosisani nte Alatala. Bara ipia komiu aga natuvu nangoseaka dota raramiu nadaa ante pokainggu naruto, komiu nabiasa nalangu-langu, komiu nasiromu nangande mpebasa bo nanginu, bo komiu nompakande tupu-tupu ntanina, pokainggu anu nepakarunggu.

Pompakita 11:10

Manggita haitu, tona nadaa nonturo ri dunia madamba mpuu. Ira mosusa madamba-damba bo mosidekeika hadia, sabana namatemo tona randua haitu anu mpuu-mpuu nompandasa toponturo ri dunia.