Markus 5:7 - Kaili Ledo

⁷ Namangga mpuu ia nongare, <>

Markus 5:7 ပူးပေါင်းရင်းမြစ်များ

Matius 16:16

Nesana i Simon Petrus, “Komiu Magau Topepakasalama anu nijanji nu Alatala. Komiu Ana nu Alatala anu natuvu sampe ri kasae-saena.”

Matius 26:63

Tapi nau ledo nasala, i Yesus ledo notingo. Bo sangganipa Pakeni nanguli ka Ia, “Ulimo ri ngayo nu Alatala anu Natuvu, uli ka kami ane Iko mpuu-mpuu Magau Topepakasalama, Ana nu Alatala!”

Matius 4:3

Bo nakavamo Magau nu Seta nanggaparai Ia bo nanguli, “Ane Komiu Ana nu Alatala, tudumo vatu-vatu hitu majadi kandea!”

Matius 8:29

Nongare-ngaremo ira nanguli, “He, Ana nu Alatala! Nakuya tano Komiu tumai? RakuyaMiu kami? RapandasaMiumo kami nau dopa tempona?”

Markus 1:24

<>

Markus 14:61

Tapi i Yesus ledo notingo. Nau ledo nasala, Ia ledo ntoto nesana. Jadi nekutana vai Pakeni nTopanggeni Pesomba, <>

Markus 3:11

Tona nipesua nu seta, nggani-nggani nanggita i Yesus, kana nantaputu ira ri ngayoNa bo nongare-ngare, <>

Markus 5:6

Da nggavaona nikitanamo i Yesus. Jadi nangovamo ia hau mosinggavaka i Yesus bo nantaputu ri ngayoNa.

Markus 5:8

Niulina ivesia sabana lave nitudu i Yesus mamimo seta haitu ivei: <>

Lukas 1:32

Ia rapakaoge nu Alatala bo rakasangai Ana nu Alatala, toNeliu Kaogena. Alatala mompajadi Ia magau mpo totuaNa nggaulu, Magau Daud.

Lukas 4:34

“He, Yesus, toNazaret! RakuyaMiu kami? Komiu nakava mompakaropu kami? Nisaniku isema Komiu. Komiumo ToGasa nitudu nu Alatala!”

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Yohanes 20:31

Tapi anu nitulisi riara buku hitu, patujuna ala manggeni komiu momparasaya i Yesus mpuu-mpuu Magau Topepakasalama, Ana nu Alatala. Bo patujuna muni ala komiu mamala manggava katuvua mabelo sampe ri kasae-saena sabana niparasayamiu Ia.

Suro-Suro 16:17

Mombine haitu nongare-ngare ri puri nantuntuni kami gi Paulus. Ia nongare ivei: “Tona hitu batua nu Alatala toNeliu KaogeNa! Ira nakava nompatolele ka komiu berimba komiu mamala rapakasalama!”

Suro-Suro 19:13

Ri tempo haitu naria bara sako-ndua sando ntoYahudi hau ri umba-umba nompopalai seta lako ri karo ntona. Sando haitu nompesoba nompake sanga i Yesus munimo mompopalai seta-seta. Niulira, “Ante kuasa i Yesus anu nipatolele i Paulus, kami mompopalai iko!”

Suro-Suro 8:36

Riara polipara haitu, nikitara uve napara dala. Nanguli toEtiopia, “Peintamo! Moitu uve. Mamala yaku radiu sii-sii?”

Roma 16:20

Kuperapi Alatala, anu nombadekei katuvua nabelo, masalisa mompakaropu kuasa Magau nu Seta bo radekeiNa ka komiu kuasa mombadagina. Kuperapi kabelo rara nTuputa Yesus Kristus bate-batena maria nte komiu.

Ibrani 2:14

Kita anu niuli i Yesus ana-ana, aga manusia biasa anu mamate. Jadi haitu sampe i Yesus muni najadi manusia bo nombarasai pura-pura anu nirasaita. Ia najadi manusia ala Ia mamala mamate mompakaropu kuasa Magau nu Seta anu nombakuasai kamatea.

Ibrani 7:1

I Melkisedek haitu magau ngata Salem bo topanggeni pesomba ka Alatala anu Nelabi KaogeNa. Tempo i Abraham nanjili lako nombadagi magau-magau ri tana Kanaan, i Melkisedek hau nosinggava nte i Abraham bo nerapi Alatala mombadekei belo ka ia.

Yakobus 2:19

Komiu nomparasaya aga saito Alatala. Haitu nabelo, tapi seta-seta muni nomparasaya Alatala aga saito bo ira nolete naviora!

2 Petrus 2:4

Toramo! Alatala ledo nombakabasaka malaeka-malaekaNa mboto lako ri pehuku tempo ira novia dosa, tapi ninavusakaNa ira riara narakaa. Ira nisuaraka riara bolo nalanda bo nirante hamai mompopea tempona ira rahuku ri Eo Potangara bara maipia.

1 Yohanes 3:8

Tapi isema-sema batena novia dosa, ia nangoseaka dota Magau nu Seta, sabana Magau nu Seta nadosa mami lako ri lamba pamulana. Patuju kakava Ana nu Alatala ri dunia ala mompakaropu povia Magau nu Seta.

Yudas 1:6

Tora muni malaeka-malaeka nTupu nggaulu. Sanu ira ledo naosa rarara nte kuasa nipakatantu nu Alatala ka ira, sampe nipalaisira ponturora ri suruga. Ira nitarunggu nu Alatala ri ponturo nalanda mpirika bo nipou ante rante anu ledo namala rapudusi. Bo ira ledo rakabasaka sampe makava tempona ira rahuku ri Eo Potangara bara maipia.

Pompakita 12:12

Sabana haitu, kana madamba mpuu komiu toponturo ri suruga. Tapi mandasamo komiu toponturo ri tana bo ri tasi sabana nanaumo Magau nu Seta tou nte komiu. Bo nagigi mpuumo rarana sabana nisanina logana mebagiu damo sampalai.”