Markus 5:23 - Kaili Ledo

²³ bo nerapi ante rarana mpuu-mpuu, <>

Markus 5:23 ပူးပေါင်းရင်းမြစ်များ

Matius 8:3

Nangepe haitu, i Yesus nombadika paleNa ri karo ntona haitu bo nanguli, “Madota Yaku. Mabelomo iko!” Kaliu-liu nabelomo tona haitu.

Markus 16:18

Ane ira rateo nu ule atau manginu panginu naracu, ledo makuya-kuya ira. Bo radikara palera ri karo ntona nadua bo tona haitu mabelomo.>>

Markus 5:24

Jadi haumo i Yesus nosanggani-nggani ante i Yairus. Nadea mpuu tona nantuntuni ira bo nomposimpii i Yesus.

Markus 6:13

Bo nadea seta nipopalaira lako ri karo ntona nipesua nu seta, bo nigesera lana tona nadua bo nipakabelora.

Markus 7:32

Nakava hamai naria bara sako-ndua tona nanggeni ka Ia saito tobongo ledo nasova notesa. Bo ante mpuu-mpuu rarara, niperapira ala i Yesus mombadika paleNa bo mompakabelo talinga ntobongo haitu.

Markus 8:23

I Yesus nanggingisi pale ntoburo haitu bo nombanini ia hau ri savaliku ngata. Pade nitoveulusiNa mata ntona haitu bo niramuNa ante paleNa bo nanguli, <>

Lukas 13:13

Pade nidikaNa paleNa ri karo nu mombine, kaliu-liu nanoro karona, bo nitoiyanamo Alatala.

Lukas 4:38

Nesuvumo i Yesus nompalaisi banua petupu haitu, hau ri banua i Simon. Matua i Simon mombine nakokora ntamo bo tona hamai nerapi ala i Yesus mantulungi ia.

Lukas 4:40

Nasolo eo, nadeamo tona nanggeni roara nadua mpengaya ka i Yesus. Jadi i Yesus nombadika paleNa ri karo ntona saito-saito, bo nompakabelo ira.

Lukas 7:12

Tempo i Yesus napara ri bobaa mesua rangata, nikitaNamo topokova tomate nesuvu lako riara ngata haitu. Tomate haitu ngana langgai, saito-itona ana ntimbala. Nadea muni tona lako ri ngata haitu nomporoa timbala haitu.

Yohanes 11:3

Jadi sampesuvuna randua nombatudu tona hau mangulika i Yesus ivei: “Pue, vega nipotoveMiu nadua.”

Suro-Suro 28:8

Tempo haitu, tuama i Publius kambale-mbale naturu apa nakokora bo nabunjoro. Jadi i Paulus hau nesua nte ia, nombadika palena ri karo ntotua bo nosambaya. Naliu haitu nabelomo totua.

Suro-Suro 6:6

Tona papitu haitu nikenikara ka suro-suro bo naupu nosambaya, suro-suro nombadika palera ri balengga ntona haitu mombalanti ira majadi topotulungi suro-suro.

Suro-Suro 8:17

Jadi, i Petrus bo i Yohanes nombadika palera ri balengga ntoSamaria haitu bo Nosa Gasa nanau nte ira mpuu.

Suro-Suro 9:12

Riara panggitana nikitana iko nakava nombadika palemu ri balenggana ala matana mekita mpanjili.”

Suro-Suro 9:17

Jadi haumo i Ananias ri banua i Yudas ri Dala Noa. Bo nesuamo ia riara banua bo nidikana palena ri balengga i Saulus, bo nanguli, “Sampesuvuku Saulus. I Pue Yesus nikitamu ri tatanga nu dala tempo komiu nolipa tumai, Iamo nombatudu yaku tumai, ala komiu mekita mpanjili bo rakuasai nu Nosa Gasa nu Alatala.”