Markus 5:15 - Kaili Ledo

¹⁵ Nakavapa ira nte i Yesus, nikitara tona nipesua nu seta pangane nonturomo. Ia nobajumo bo nanotomo pekirina. Jadi naeka puramo ira nanggita ia.

Markus 5:15 ပူးပေါင်းရင်းမြစ်များ

Matius 12:29

Berimba tona namala mombasuaki banua ntona naroso mangagosi mbara-mbarana? Natantumo kana ratipungguna ntani ruru tupu nu banua haitu pade mamala mangagosi mbara-mbarana. Ivesia muni Yaku namala nompopalai seta sabana Yaku nokolu nombadagi Magau nu Seta.

Matius 26:53

Nisarumakamiu ledo mamala Yaku merapi tulungi nte TuamaKu Alatala? Ane mekitulungi Yaku, masalisa ratuduNa melabi sapulu randua lunu malaekaNa mantulungi Yaku!

Matius 4:24

Kareba povia i Yesus haitu natolele ri umba-umba bagia Siria, sampe tona nanggeni ka Ia pura-pura roara nambela dua mpengaya, tona nipesua nu seta, torompate bo tona nakoyo. Bo i Yesus nompakabelo ira pura-pura bo nipopalaiNa puramo seta.

Matius 9:33

Jadi tempo seta haitu nipopalai i Yesus lako nte ia, namalamo ia notesa. Nanggita kajadia haitu nokumaa mpuumo todea. Nanguli ira, “Dopa sanggania nikita kami kajadia eva hitu ri tana Israel!”

Markus 5:14

Jadi nangovamo topojaga bavu haitu bo nombatesa kajadia haitu ka tona riara ngata bo ri buluna napara ngata haitu. Pade nesuvumo tona nompeintaka anu najadi.

Markus 5:16

Tona nanggita kajadia haitu notesa anu najadi nte tona nipesua nu seta, bo nitesara muni anu najadi nte bavu dea.

Markus 5:18

Tempo i Yesus nesavi sakaya vaimo, tona nipesua nu seta pangane nerapi nte mpuu-mpuu ala ia rapaloga mantuntuni i Yesus.

Markus 5:4

Nadea ngganimo kadana bo palena nirante ntona, tapi rante haitu nipudusina bo ase nitipungguka kadana namala nikotosakana. Ledo ria saitoa nompakule nombataamaka ia.

Markus 5:9

Pade nipekutana i Yesusmo tona haitu, <> Nesanamo seta haitu, <>

Lukas 10:39

Naria saito sampesuvuna mombine, nosanga i Maria. I Maria haitu nakava nonturo napara kada i Yesus bo nompetalingai pepatudukiNa.

Lukas 8:27

Hamai naria saito langgai lako ri kota nipesua nu seta. Nasaemo ia nabaya, ledo nobaju bo ledo nadota nonturo ri banua. Ia aga nonturo ri podayo. Ia nasaro nipesua nu seta. Nau nirante palena bo kadana, bo nijagai mpuu-mpuu, da namalapa rante haitu nirantasina, bo nipakeni nu seta-seta hau ranggarava bai. Tempo i Yesus nanau ri tana, haumo tona nipesua nu seta haitu mompasintou i Yesus. Nongare ia bo nekadungga ri ngayoNa. I Yesus nantudu seta haitu malai lako ri karo ntona haitu. Jadi nongaremo tona nipesua nu seta haitu ante suara namangga, “Yesus, Ana nu Alatala anu Neliu KaogeNa! RakuyaMiu yaku? Kuperapi, nee mpuu rapandasaMiu yaku!”

Kolose 1:13

Iamo nombakabasaka kita lako ri kuasa nalanda bo nompajadi kita todeaNa ri Poparenta nu AnaNa nipotoveNa.

2 Timotius 1:7

Apa Nosa Gasa nipopanau nu Alatala ka kita ledo nompakaeka kita, tapi nompakaroso rarata, bo nompopompakule kita mombatidamaka dota rarata mboto bo mompotove singgamanusiata.