Markus 5:14 - Kaili Ledo

¹⁴ Jadi nangovamo topojaga bavu haitu bo nombatesa kajadia haitu ka tona riara ngata bo ri buluna napara ngata haitu. Pade nesuvumo tona nompeintaka anu najadi.

Markus 5:14 ပူးပေါင်းရင်းမြစ်များ

Matius 7:6

Naupu haitu, nanguli i Yesus, “Nee radekei ka asu anu nagasa mbelaka asu aga megoli mombalopo komiu! Bo nee radekei mutiara ka bavu, apa bavu aga mombajeje bayangi mutiara haitu.”

Matius 8:33

Sampanggita kajadia haitu, nangova nalaimo topojaga bavu hau riara ngata. Bo nitesara pura anu najadi nte bavura bo nte tona randua anu nipesua nu seta pangane.

Markus 5:13

Jadi i Yesus nombadekei seta-seta gahaitu hau nte bavu dea. Jadi seta-seta gahaitu nesuvu mpuumo bo nesua riara bavu dea. Bavu gahaitu nte ronjobu kadeana, nipesua nu setapa, notingganavu puramo lako ri dapala hau rarano bo nalodo puramo.

Markus 5:15

Nakavapa ira nte i Yesus, nikitara tona nipesua nu seta pangane nonturomo. Ia nobajumo bo nanotomo pekirina. Jadi naeka puramo ira nanggita ia.

Lukas 8:34

Tempo topojaga bavu haitu nanggita bavu nijagaira namate puramo, nangovamo ira hau nombatesa kajadia haitu ka tona rangatara bo ri ngata ntanina napara ri sia.