Markus 4:36 - Kaili Ledo

³⁶ I Yesus da nonturo riara sakaya, jadi ana-anaguruNa nompalaisi todea bo hau nesavi sakaya nte i Yesus bo nalaimo ira. Naria muni tona ri bara sako-angu sakaya ntanina nantuntuni sakayara.

Markus 4:36 ပူးပေါင်းရင်းမြစ်များ

Matius 8:23

Naliu haitu nesavi sakayamo i Yesus nosanggani-nggani ante anaguruNa, bo haumo ira.

Markus 3:9

Nadea mpuu tona nasiromu ri sia sampe i Yesus nombatudu ana-anaguruNa mompakasadia sangu sakaya ka Ia ala nee sampe Ia raposiupisira.

Markus 4:1

Naria saeo i Yesus nompaguru ri tinggi rano Galilea. Nadea mpuu tona nombatagui Ia. Jadi Ia nesavi bo nonturo riara sakaya bo todea neangga ri kabatana ri tinggi rano.

Markus 4:37

Dopa nasae ntoto polipara, sampesanika nakavamo poiri narimboso nompakambaso balumba nu rano. Balumba-balumba haitu nombarumpa sakayara sampe uve rano nesua riara sakayara, bo sakidepa natala.

Markus 5:2

Tempo i Yesus nanau lako ri sakaya nakavamo saito langgai nesuvu lako ri podayo. Tona haitu nipesua nu seta.

Markus 5:21

Naupu sia, i Yesus nesavi sakaya hau ri sambote rano. Nakava hamai, nadea mpuu tona nasiromu nte Ia.

Markus 6:32

Jadi nosakayamo ira hau ri ponturo kalinona.

Lukas 8:22

Naria sanggani i Yesus ante anaguruNa nesavi sakaya. I Yesus nanguli ka ira, “Hau kita ri sambote rano.” Jadi haumo ira.