Markus 4:17 - Kaili Ledo

¹⁷ Tapi ledo naroso pomparasayara, nasimbayu mpo tuda-tuda ledo naroso pokalena. Tempo ira nipandasa bara nipakasusa sabana nomparasaya Tesa haitu, kaliu-liu nouramo rarara.

Markus 4:17 ပူးပေါင်းရင်းမြစ်များ

Matius 11:6

Nabelo mpuu tona ledo noura nomparasaya Yaku.”

Matius 12:31

Jadi Kuuli ka komiu, pura-pura dosa bo tesa nesalai mamala raampungi. Tapi isema-sema nombasalai Nosa Gasa nu Alatala ledo ntoto raampungi.

Matius 13:21

Tapi ledo naroso pomparasayara, nasimbayu eva tuda-tuda ledo naroso pokalena. Tempo ira nipandasa bo nipakasusa sabana nomparasaya Tesa haitu, kaliu-liu nouramo pomparasayara.

Markus 4:16

Savua nanavu ri tana navatu nirapaka tona anu nangepe Tesa nu Alatala bo kaliu-liu nadamba nantarima tesa haitu.

Markus 4:18

Savua nanavu ranggarui nirapaka tona anu nangepe Tesa nu Alatala,

Lukas 12:10

Isema-sema nompakadaa Yaku, Ana nu Manusia, mamala raampungi. Tapi isema-sema nombasalai Nosa Gasa nu Alatala, ledo raampungi.

Yohanes 8:31

Naupu haitu, i Yesus nanguli ka toYahudi anu nomparasaya Ia, “Ane komiu maroo mangoseaka tesaKu, komiu mpuu-mpuu topangoseaka Yaku.

Galatia 6:12

Tona nanggeni pepatuduki nasala haitu aga madota mompopakita pangoseakara Atura agama ala ratoiya nu roara toYahudi. Haitumo sabana ira madota mompasuu komiu rasuna. Patujura ala ira ledo rapandasa ntoYahudi. Apa ane rasarumakara i Kristus anu namate ri kayu salib bo domo raoseakara Atura agama, rapandasa ntoYahudimo ira.

2 Timotius 1:15

Nisanimu pura-pura topomparasaya lako ri propinsi Asia nompalaisi yaku. Nau i Figelus bo i Hermogenes, nalai munimo.

2 Timotius 4:10

apa domo nadea tona nomporoa yaku. I Demas nompalaisi yaku sabana ia aga nompotove katuvuna ri dunia hitu. Nalai rou ri ngata Tesalonikamo ia. Bo i Kreskes rou ri propinsi Galatia, bo i Titus rou ri bagia Dalmatia.

2 Timotius 4:16

Tempo parakaraku nitangara paratama, ledo ria saitoa nombatulungi yaku; nepalaika puramo roa. Kuperapi Tupu ledo mombareke salara haitu.

Ibrani 10:29

Ane ivesia pehuku ka tona nombasapuaka Atura agama, nemopa ka tona anu nompojejea Ana nu Alatala. Tona haitu nompandaente raa i Yesus, tano raa haitumo nompakaasa pojanji nu Alatala bo nompakalali dosana. Bo tona haitu muni nanjalai Nosa Gasa anu nompopaisani pepotove nu Alatala ka todeaNa.

1 Yohanes 2:19

Bali-bali i Kristus nesuvu lako nte kita, tapi kakanana ira ledo nosangu pomparasaya ante kita. Ane ira mpuu-mpuu nosangu pomparasaya ante kita, natantu ira da mosanggani-nggani ante kita. Tapi nipalaikaramo kita, jadi nisanita ira ledo mpuu nosangu pomparasaya ante kita.

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.

Pompakita 2:13

NisaniKumo ngata niponturomiu, haitumo ri ngata ponturo Magau nu Seta. Tapi naupa ivesia, naroso pomparasayamiu Yaku. Tempo sabiKu nosanga i Antipas nipatesi ri ngatamiu, komiu ledo nesapu nomparasaya Yaku. I Antipas haitu sabiKu bo ia bate-batena nomparasaya Yaku sampe ia nipatesi ntona ri ngatamiu, haitumo ri ngata nikuasai Magau nu Seta.