Markus 4:15 - Kaili Ledo

¹⁵ Savua nanavu ri bivi dala, nirapaka tona anu nangepe Tesa nu Alatala, tapi Magau nu Seta nakava nangala tesa dako nesua riara ntaira.

Markus 4:15 ပူးပေါင်းရင်းမြစ်များ

Matius 13:19

Savua nanavu ri dala nirapaka tona nangepe tesa Poparenta nu Alatala tapi ledo nisanira batuana. Bo nakavamo Magau nu Seta mangagosi tesa haitu lako riara ntaira.

Matius 22:5

Tapi tona nigaga ledo ntoto nipeilira pegaga haitu. Ira aga hau nantui bagora mboto. Naria hau ri taluana bo naria hau nombaurusi pogadena,

Matius 4:10

Tapi nesanamo i Yesus ka ia, “He, Magau nu Seta! Palaimo iko lako ri sii. Sabana nitulisi riara Buku Gasa ivei: ‘Komiu kana mombasomba Alatala, Tupumiu. Aga Iamo masipato rapetupumiu.’”

Markus 4:14

Toposavu haitu nirapaka tona nompatolele Tesa nu Alatala.

Markus 4:16

Savua nanavu ri tana navatu nirapaka tona anu nangepe Tesa nu Alatala bo kaliu-liu nadamba nantarima tesa haitu.

Markus 4:4

Tempo ia nosavu, sanu savua nanavu ri dala. Bo tonji-tonji nakava nanteosi savua haitu sampe naupu.

Lukas 8:12

Savua nanavu ri dala, nirapaka tona nangepe Tesa nu Alatala tapi nakava Magau nu Seta nangalasi Tesa haitu lako nte ira ala domo raparasayara bo rapakasalama.

Suro-Suro 17:32

Tempo todea nangepe tesa tomate natuvu mpanjili lako ri kamatena, naria sanu ira nompongirika i Paulus, sabana ledo niparasayara tomate mamala matuvu mpanjili. Tapi naria muni sanu nanguli, “Kami da madota mangepe hanupa tesamu tutu!”

Suro-Suro 5:3

Nanguli i Petrus ka ia, “Ananias, nakuya iko nompalamba Magau nu Seta nombakuasai raramu sampe nidavaimu Nosa Gasa nu Alatala? Iko nombaboliaka doimu sagaa ka iko mboto.

2 Korintus 2:11

Tona haitu niampungikumo ala nee sampe Magau nu Seta manggava loga mombadagi kita, sabana nisanita mamimo akalana.

2 Tesalonika 2:9

Topesapuaka meumba ante kuasa mbaso lako ri Magau nu Seta bo rapoviana mpengaya-ngaya kabaraka bo tanda-tanda nipokumaaka anu mombabagiu tona.

Ibrani 12:16

Nee sampe maria tona mosipogau nte tona ledo bereina mboto. Bo nee sampe maria tona moinggu mpo i Esau, apa ia aga nompekirika kasana karona ri dunia hitu bo ledo nipekirikana dota nu Alatala. Kalumbuana nisulakana sanjuraya kandea.

Ibrani 2:1

I Yesus naogepa pade malaeka. Sabana haitu, kita kana manggangisi pakabelo-belo pepatuduki niepeta ala kita ledo masalandala lako ri dala nakana.

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 20:10

Maupu haitu Magau nu Seta anu nombabagiu ira ratedaka riara ntasi apu navaya ante vatu-vatu colonggata narega. Haitumo ponturo nipotedaka binata nadaa bo nabi mpodava nokolu. Hamai, eo bongi ira rapandasa sampe ri kasae-saena.

Pompakita 20:7

Ane maupumo sanjobu mpae, Magau nu Seta rakabasaka lako riara ntarungguna ri lovu ndala haitu,