Markus 3:5 - Kaili Ledo

⁵ Jadi i Yesus neili nangganoto tona ri sia. Narau mpuu raraNa tapi nabuku muni raraNa nanggita ira nakaa gaga bagara. Ledo ntoto naasi matara nanggita tona nakoyo palena. Bo nanguli Ia ka tona haitu, <> Niodo ntona haitu mpuumo palena, bo nabelomo.

Markus 3:5 ပူးပေါင်းရင်းမြစ်များ

Matius 12:13

Naupu haitu nanguli Yesus ka tona nakoyo palena haitu, “Odomo palemu!” Tona haitu nangodo palena, bo kaliu-liu nabelomo, nasimbayu eva palena sabinggapa.

Markus 3:4

Pade i nipekutanaNa toFarisi naria ri sia, <> Tapi ira ledo nadota nesana.

Lukas 13:15

Nangepe tesa haitu, nangulimo i Yesus, “Komiu aga tobelo ri sumba! Ri eo penonto pura-pura komiu nombakabasaka japimiu, bara jaramiu, bo nikenimiu rapopainu.

Lukas 17:14

Pade nikanotoNamo ira bo niulikaNa, “Koimo pekiparesa karomiu nte topanggeni pesomba, nangoseaka Atura-atura agama nipapola Nabi Musa.” Nangepe haitu, hau mpuumo ira. Tempo ira da nolipa, nabelo puramo karora.

Lukas 6:10

Naupu i Yesus nanguli ivesia, neilimo Ia nangganoto pura-pura tona ri sia, pade niulikaNa tona nakoyo palena, “Odomo palemu!” Niodona palena, nabelo mpuumo.

Yohanes 9:7

Pade nituduNa, “Koi doupimo matamu ri uve Kola Siloam.” Siloam batuana “Nitudu.” Jadi hau mpuumo toburo haitu. Nakava ri Kola Siloam, nidoupinamo matana. Nanjilipa ia, nekitamo matana.

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

2 Korintus 3:14

Pekiri ntoIsrael haitu natetutui muni, ledo nisanira batuana anu najadi nte i Musa. Sampe sii-sii ane Atura-atura nokolu haitu rabaca ka ira, ledo nisanira mpuu batuana. Namala raulita da naria anu nombasalibumbuni pekirira. Pekiri manusia nisalibumbuni ivesia aga namala rabuka ane tona haitu mosangu rara ante i Kristus.

Efesus 4:18

bo ledo nipahara nuapa-nuapa. Katuvu nabaru lako nte Alatala ledo naria nte ira sabana ledo ntoto nisanira pepatuduki nakana anu notesaki Alatala. Ledo nisanira sabana nakaa bagara.

Efesus 4:26

Ane marau komiu, nee sampe rau raramiu mompakanavu komiu riara dosa. Nee mombaboli rau rara sampe masolo eo,

Efesus 4:30

Jadi, nee rapoviamiu anu mompakabuku rara Nosa Gasa nu Alatala. Toramo! Alatala nombadekei Nosa Gasa ka kita, tandana kita najadi todeaNa. Bo Nosa GasaNa haitu muni najadi panggingisita ala rasanita kita mpuu-mpuu rakabasaka lako ri dunia nadaa hitu ngena.

Ibrani 3:10

Haitu sampe narau mpuu raraKu nanggita ira bo niuliKu, ira nasaromo nasalandala, bo ledo nipokonora nangoseaka parentaKu.

Ibrani 3:17

Bo isema niporau rara nu Alatala patapulu mpae kasaena? Natantumo ira haitu muni anu novia dosa ri karava bai sampe namate hamai.

Ibrani 5:9

Naganapa pura-pura haitu nirasaiNa, Ia najadi puna katuvua nabelo sampe ri kasae-saena ka pura-pura tona matundu nte Ia.

Pompakita 6:16

Nongaremo ira ka bulu-bulu bo vatu-vatu, “Ivumo kami! Tabuniakamo kami ala domo rakita mata nToponturo ri Gadera Kamagaua haitu. Ivumo kami ala kami ledo rapambela rau rara nu Ana Bimba!”