Markus 3:35 - Kaili Ledo

³⁵ Apa isema-sema nangoseaka dota nu Alatala, iamo sampesuvuKu bo tinaKu.>>

Markus 3:35 ပူးပေါင်းရင်းမြစ်များ

Matius 7:21

Ledo pura-pura tona nanguli Yaku Tupura majadi todea riara Poparenta nu Alatala. Aga tona anu novia dota nu Alatala, TuamaKu ri suruga, masipato mesua riarana.

Yohanes 7:17

Isema-sema madota mangoseaka dota nu Alatala, natantumo rasanina pepatudukiKu hitu lako nte Alatala, bo ledo lako nte Yaku mboto.

Efesus 6:6

Nee aga mokarajaa mabelo tempo komiu rakita nu tuamiu ala komiu ratoiya nu manusia. Tapi pokarajaamo ante mpuu-mpuu raramiu najadi batua i Kristus anu nangoseaka dota nu Alatala.

Ibrani 10:36

Komiu kana mosabara ala maupu komiu movia dota nu Alatala, komiu mantarima anu nijanjiNa.

Yakobus 1:25

Atura nu Alatala nagana mpuu bo naria kuasana mombakabasaka manusia lako ri dosa. Isema-sema nompariara pakabelo-belo bo batena nangoseaka Atura nu Alatala, bo ledo aga neepe bayangi bo nalinga, iamo radekeika nu Alatala belo riara bara nuapa-nuapa rapoviana.

1 Petrus 4:2

Jadi da natuvu riara dunia hitu, komiu kana matuvu mangoseaka dota nu Alatala, nee mangoseaka dota rara manusia anu nadaa.

1 Yohanes 2:17

Dunia bo pura-pura anu naria riarana anu nipoino manusia magero, tapi isema-sema mangoseaka dota nu Alatala, matuvu mabelo sampe ri kasae-saena.