Markus 3:29 - Kaili Ledo

²⁹ Tapi isema-isema nombasalai Nosa Gasa, ledo raampungi. Sabana, pesalaina haitu mai dosa sampe ri kasae-saena.>>

Markus 3:29 ပူးပေါင်းရင်းမြစ်များ

Matius 25:46

Bo i Yesus nompakaupu tesaNa ante nanguli, “Pura-pura tona nadaa haitu rahuku sampe ri kasae-saena. Tapi tona nanoa, matuvu mabelo sampe ri kasae-saena.”

Matius 9:3

Bara sako-ndua guru agama hamai nompekiri riara ntaira, “Nadaa mpuu tona hitu! Ia nompakasimbayu karoNa ante Alatala, apa aga Alatala namala nombaampungi dosa!”

Markus 12:40

Nibagiura timbala-timbala ala mangalasi banuara. Bo nitabuniakara pokainggura nadaa haitu ante nosambaya pakandoe. Mantamo mpuu pehuku ka ira ngena!>>

Markus 3:30

I Yesus nanguli ivesia sabana naria tona nanguli Ia nipesua nu seta tano mai, kuasaNa lako ri Nosa Gasa.

Lukas 12:10

Isema-sema nompakadaa Yaku, Ana nu Manusia, mamala raampungi. Tapi isema-sema nombasalai Nosa Gasa nu Alatala, ledo raampungi.

2 Tesalonika 1:9

Tona haitu rahuku nu Alatala sampe ri kasae-saena. Ira rapopogaa lako nte i Pue Yesus bo ledo rarasaira kaoge nu kuasaNa.

Yudas 1:13

Ira nasimbayu mpo balumba mbaso niburu mpoiri, bo pokainggura anu nepakaeya nasimbayu mpo rumpu bo bura natapa nitompesaka ri talinti. Ira nasalandala lako ri dala nakana nasimbayu mpo betue-betue mpolinja ri langi ledo nangoseaka dala nipakatantu ka ira. Jadi nipakasadia nTupumo ponturo nalanda mpirika ka ira sampe ri kasae-saena.

Yudas 1:7

Tora munimo tupu ngata Sodom bo Gomora nggaulu bo ngata-ngata ri sinjorina. Ira nasimbayu nte malaeka-malaeka pangane, haitumo ira muni ledo nabasa-basa nosipogau nte tona ledo bereira mboto bo nangoseaka pokainggu nabuga ntotomo. Ngatara nipalabusi ante apu rapopatora ka pura-pura tona, pokainggu nadaa rahuku ante apu sampe ri kasae-saena.