Markus 3:21 - Kaili Ledo

²¹ Sampesuvu i Yesus nangepe anu nipoviaNa haitu bo nisarumakara nabayamo Ia. Jadi nakavamo ira mangala Ia.

Markus 3:21 ပူးပေါင်းရင်းမြစ်များ

Markus 3:31

Naupu haitu nakavamo tina i Yesus bo sampesuvu-sampesuvuNa. Ira nepopea ri savalikuna bo nitudura tona hau mombaronde i Yesus.

Yohanes 10:20

Nadea ira nanguli, “Ia haitu nipesua nu seta! Nagila ntotomo Ia! Rapokuya raepeta tesaNa?”

Suro-Suro 26:24

Da notesa i Paulus nanjaliku karona, nongaremo Gubernur Festus, “Nabayamo iko, Paulus! Pangisanimu nadea tutu nompakabaya iko!”

2 Korintus 5:13

Niuli ntona kami nabaya. Kami nipeinta nabaya, sabana kadidi rara kami novia pokarajaa nidekei nu Alatala ka kami. Bo ane niulimiu kami nanoto, nisanimiu kami nokarajaa ivesia ala manggeni belo ka komiu.