Markus 2:20 - Kaili Ledo

²⁰ Tapi makava tempona boti langgai raala lako nte ira. Tempo haitumo pade mopuasa ira.>>

Markus 2:20 ပူးပေါင်းရင်းမြစ်များ

Matius 26:31

Bo i Yesus nanguli ka ana-anaguruNa, “Bongi hitu komiu pura-pura moleju pomparasayamiu bo rapalaisimiu Yaku, sabana nitulisi riara Buku Gasa ivei: ‘Kupatesi topoevu bo bimba-bimbana masimpotare.’ Zakharia 13:7

Matius 9:15

Nesanamo i Yesus ka ira, “Ledo masipato torata ri posusa poboti masusa rara bo mopuasa tempo boti langgai da mosanggani ante ira. Tapi kana makava tempona boti langgai raala lako nte ira. Tempo haitumo pade mopuasa ira. Ivesia muni anaguruKu masusa rara bo mopuasa ane Yaku raala lako nte ira.”

Markus 2:19

Nesana i Yesus ante porapa. NiuliNa ivei: <

Markus 2:21

I Yesus nompapola tesaNa, <

Lukas 17:22

Naupu haitu i Yesus nanguli ka anaguruNa, “Makava tempona ngena, maoge mpuu raramiu manggita Yaku, Ana nu Manusia, nau aga saeo, tapi domo rakitamiu Yaku.

Lukas 5:35

Tapi makava tempona boti langgai raala lako nte ira. Tempo haitu pade mopuasa ira.”

Yohanes 12:8

Tona napakasi bate-batena maria ri tatangamiu, tapi Yaku ledo.”

Yohanes 13:33

Ana-anaKu, domo masae Yaku mosanggani-nggani ante komiu. Raelomiu Yaku ngena, tapi ledo rakavamiu. Haitu niuliKu ka pakeni-pakeni ntoYahudi bara ipia, ivesia muni Kuuli ka komiu: ri umba Kukalau komiu ledo mamala metuntuni.

Yohanes 16:28

Yaku nakava lako nte TuamaKu tumai ri dunia hitu. Hitupa Kupalaisi dunia hitu bo manjili hau nte TuamaKu.”

Yohanes 16:7

Tapi tesaKu hitu nakana: nabelopa ka komiu ane malai Yaku. Apa ane ledo hau Yaku, Topetulungi ledo makava tumai nte komiu. Tapi ane hau Yaku, Kutudu Ia tumai nte komiu.

Yohanes 17:11

Domo masae Yaku monturo ri dunia hitu. Yaku tou nte Komiu, tapi anaguruKu da monturo ri dunia hitu. O, Tata! Komiu nagasa! Jagaimo ira ante kuasaMiu, haitumo kuasa nidekeiMiu ka Yaku. Jagaimo ira ala ira mosangu rara nasimbayu mpo Yaku nosangu rara nte Komiu.

Yohanes 17:13

Sii-sii Yaku tou nte Komiu, Tata. Pura-pura anu niuliKu hitu nitesaKu ka anaguruKu tempo Yaku da naria ri sii ri dunia, ala ira mpuu-mpuu madamba nasimbayu mpo Yaku mpuu-mpuu nadamba.

Yohanes 3:29

Ia kana mantambai rabila tapi yaku domo. Rapana ri posusa ponika, boti langgai nibila apa iamo mompoberei boti mombine. Tapi ane vega nu boti langgai anu nombaurusi poboti, ia aga neangga ri sinjori boti langgai, bo nadamba mpuumo rarana nangepe suara nu boti langgai nadamba haitu. Yaku nasimbayu ante topourusi poboti haitu. Nadamba mpuumo raraku apa nadea tona nangoseaka i Yesus.

Suro-Suro 1:9

Naupu i Yesus nanguli ivehaitu, neoremo Ia lako ri ngayora hau ri suruga. Ira nantingoa nangganoto Ia sampe nalipo lako ri panggitara, sabana kulimu nombabungu Ia.

Suro-Suro 14:23

Ri ngata-ngata haitu i Paulus bo i Barnabas nanganggataka pakeni ntodea topangoseaka i Yesus. Ira nopuasa bo nosambaya, nerapi i Pue mombajagai pakeni haitu, apa Iamo panjarumakara.

Suro-Suro 3:21

I Yesus kana monturo ri suruga sampe makava tempona Alatala mompakabaru pura-pura, evamo nitesaNa ka nabi-nabi nipelisiNa nggaulu.

1 Korintus 7:5

Nee mogaa mosampaturu ane ledo ria posimpoiyomiu njamboko. Ane rapana komiu mangelo loga mosambaya, ledo makuya komiu mogaa mosampaturu bara sakuya kasaena ane raposimpoiyomiu njamboko. Tapi ane maupumo tempo nipakatantu haitu, komiu kana manjili mosampaturu ala nee komiu rapesori Magau nu Seta mogau sala sabana komiu ledo mamala mantaamaka dota raramiu.

2 Korintus 11:2

Yaku mpuu-mpuu nompariarantaika komiu, nasimbayu mpo Alatala nompariarantaika komiu! Komiu nirapaka randaa nagasa pokaingguna anu nipopotengeakuka saito langgai, haitumo i Kristus. Batua porapa hitu, yakumo anu paratama nompatuduki komiu momparasaya i Yesus. Dotaku ala komiu ledo molinja ntanina tapi bate-batena momparasaya Ia.

2 Korintus 11:27

Nabundumo yaku nokarajaa ntamo. Nadea ngganimo yaku ledo nakapo namonjo, ledo nangande, ledo nanginu. Nadea ngganimo yaku nombatidamaka ara ntai bo nindi bo ledo nagana pakea.

2 Korintus 6:5

Kami niboba bo nisuaraka riara ntarunggu. Todea nonasu nangeva kami, kami nokarajaa ntamo, biasa kami ledo namonjo, biasa ledo nangande.

Pompakita 19:7

Kamaimo kita modade ante damba rara. Kamaimo kita mantoiya kaogeNa. Sabana, nakavamo eo ponika Ana Bimba. Boti mombine nasadiamo ranika.

Pompakita 21:9

Naupu haitu nakavamo saito malaeka lako nte ira papitu anu nantipale tubu-tubu niisi ante pitu-ngaya pepandasa kaupuna. Nangulimo ia ka yaku, “Kamaimo, kupopakita ka iko boti mombine anu rapoberei nu Ana Bimba.”