Markus 2:13 - Kaili Ledo

¹³ Naliu haitu, hau vai sangganipa i Yesus ri tinggi rano. Nadea mpuu tona nakava nte Ia, bo Ia nompatuduki ira.

Markus 2:13 ပူးပေါင်းရင်းမြစ်များ

Matius 13:1

Ri eo haitu muni i Yesus nesuvu lako ri banua hau ri tinggi Rano Galilea bo nonturo ri sia.

Matius 9:9

Naupu haitu nalaimo i Yesus lako ri sia. Nolipa-lipamo Ia, nikitaNa saito topesingara balasitee nonturo riara kantoro ntopesingara balasitee. Sangana i Matius. Nanguli i Yesus ka ia, “Kaimo! Oseakamo Yaku!” Nangepe haitu neanggamo i Matius bo hau nangoseaka i Yesus.

Markus 1:45

Tapi nau nitagi, kana hau nipatolelena kajadia pangane. Nitesana ka tona ri umba-umba sampe i Yesus domo namala nesua rangata. Ia nonturo ri savaliku ngata ri kalinona. Tapi naupa ivesia, todea lako ri umba-umba nakava njuu nte Ia.

Markus 10:1

Naupu haitu i Yesus ante anaguruNa nompalaisi ponturo haitu bo hau ri bagia Yudea bo nombavote Binangga Yordan. Hamai nadea vai tona nakava nte Ia bo nipatudukiNa vai ira, nangoseaka kabiasaNa.

Markus 2:2

Nangepe haitu, nadeamo tona nakava nasiromu ri banua haitu sampe domo nasuka, nau ri ngayo vamba domo ria ponturo. Ri sia i Yesus nompatolele Tesa nu Alatala ka ira.

Markus 4:1

Naria saeo i Yesus nompaguru ri tinggi rano Galilea. Nadea mpuu tona nombatagui Ia. Jadi Ia nesavi bo nonturo riara sakaya bo todea neangga ri kabatana ri tinggi rano.

Lukas 19:48

Tapi ledo nikavara dala mompatesi Ia, sabana pura-pura todea nadamba gagamo nangepe tesaNa.

Lukas 21:38

Mpadondo-mpadondo todea nakava ri Banua nu Alatala mangepe pepatuduki i Yesus.