Markus 2:12 - Kaili Ledo

¹² Bo kaliu-liu neangga mpuumo topunggu haitu ri ngayora pura-pura. Nialanamo ompana bo nanjilimo ia. Nanggita haitu, nokumaa puramo tona ri sia, bo ira nombatoiya Alatala. Niulira, <>

Markus 2:12 ပူးပေါင်းရင်းမြစ်များ

Matius 12:23

Nanggita kajadia haitu, nokumaa mpuumo todea hamai sampe nosimpekutana ira, “Bara tona hitumo Muli Magau Daud anu nijanji nu Alatala nggaulu!”

Matius 15:31

Nanggita haitu nokumaa mpuumo todea sabana tona nabobo namala notesa, tona nakejo bo nakoyo nipakabelo, tona napunggu namala nolipa bo tona naburo namala nekita. Jadi todea nombabila bo nantoiya Alatala anu nisomba ntoYahudi.

Matius 9:33

Jadi tempo seta haitu nipopalai i Yesus lako nte ia, namalamo ia notesa. Nanggita kajadia haitu nokumaa mpuumo todea. Nanguli ira, “Dopa sanggania nikita kami kajadia eva hitu ri tana Israel!”

Matius 9:8

Nanggita kajadia haitu naekamo rara ntodea ri sia. Bo nitoiyara Alatala sabana nidekeiNa kuasa nambaso eva haitu ka manusia.

Markus 1:27

Nanggita haitu, nokumaa puramo todea ri sia sampe ira nosimpekutana, <>

Markus 2:11

<>

Lukas 13:13

Pade nidikaNa paleNa ri karo nu mombine, kaliu-liu nanoro karona, bo nitoiyanamo Alatala.

Lukas 17:15

Saito ira, nikitanapa karona nabelomo, nanjili vai ia hau nte i Yesus bo nombatoiya-toiya Alatala ante suara namangga.

Lukas 5:26

Nanggita haitu, ira pura-pura nokumaa mpuu bo nitoiyara Alatala. Naeka munimo rarara bo niulira, “Nabaraka mpuu kajadia nikitata eo hitu!”

Lukas 7:16

Tona nanggita kajadia haitu, naeka puramo bo nitoiyara Alatala ivei: “Nabi nakuasa neumba ri tatangata! Alatala mpuu-mpuu nakavamo mombatulungi todeaNa!”

Yohanes 7:31

Tapi nadea lako ri todea haitu nomparasaya Ia. Niulira, “Magau Topepakasalama mpuumo Ia, apa nadea mpuu kabaraka nipoviaNa!”

Yohanes 9:32

Lako ri lamba pamulana dopa sanggani niepeta naria tona namala nompakabelo mata ntona naburo mami lako ri pompoanaka.

Suro-Suro 4:21

Ledo nikava ntopolibu anu masipato rahuku ka i Petrus bo Yohanes. Jadi niparanggara vaimo randua suro haitu pade nikabasakaramo, sabana naeka ira ka todea. Apa pura-pura todea nantoiya Alatala sabana kabaraka haitu.