Markus 16:14 - Kaili Ledo

¹⁴ Naupu haitu, i Yesus nompopakita karoNa ka sapulu saitopa anaguruNa tempo ira nonturo nangande nosanggani-nggani. NionteakaNa ira sabana nakura pomparasayara bo nakaa bagara sampe ledo nadota nomparasaya tesa nu roara anu nanggita Ia natuvu mpanjili.

Markus 16:14 ပူးပေါင်းရင်းမြစ်များ

Matius 11:20

Naupu haitu i Yesus nangonteaka tupu ngata ledo najea lako ri dosara naupa nadeapa kabaraka nipoviaNa ri ngatara haitu.

Matius 17:20

Nesana i Yesus, “Sabana nakura pomparasayamiu. Pariaramo tesaKu hitu. Nau pomparasayamiu aga nakodi eva batu mandoe, mamala komiu mangulika bulu moitu, ‘Polinja haumo!’ bo bulu moitu molinja mpuu. Ledo ria sangaya anu ledo mamala rapoviamiu.

Matius 28:17

Hamai nikitara mpuu Ia bo nantaputu ira mombasomba Ia. Tapi naria sanu nonggai rarara.

Markus 7:18

Nangulimo i Yesus ka ira, <

Lukas 24:11

tapi ana-anaguru gahaitu ledo niparasayara anu nitesa nu mombine gahaitu, apa nisarumakara aga tesa nikarara mboto.

Lukas 24:25

Nangepe haitu, i Yesus nanguli ka ira, “Nadoyo mpuu komiu! Nakumba mpuu pekirimiu momparasaya anu nitesa nu nabi-nabi nggaulu!

Yohanes 20:25

Jadi nanguli ana-anaguruNa ntanina ka i Tomas, “Nikita kamimo i Pue!” Tapi nanguli i Tomas, “Ane dopa kukita valea nu paku ri paleNa bo kudika koya-mpaleku ri bela nu paku, bo ane dopa muni kudika paleku ri valea ntavala ri usuNa, dopa kuparasaya.”

Yohanes 20:26

Naliu valu-mbongi, nasiromu vaimo ana-anaguru i Yesus riara nu banua haitu, bo i Tomas naria muni nosanggani-nggani ante roana ri sia. Vamba nigunji puramo tapi sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Yohanes 20:27

Naupu haitu, niuliNa ka i Tomas, “Peintamo paleKu hitu. Dikamo koya-mpalemu ri sii. Bo dikamo palemu ri valea ntavala ri usuKu hitu. Tumo mabata-bata raramu, tapi parasayamo!”

Yohanes 21:1

Naupu haitu, i Yesus nompopakita karoNa sangganipa ka anaguruNa ri bivi Rano Galilea. Iveimo tesana.

Yohanes 21:14

Haitu katalu-ngganina i Yesus nompopakita karoNa ka ana-anaguruNa naliu Ia natuvu mpanjili lako ri kamateNa.

1 Korintus 15:5

Naupu haitu nipopakitaNa karoNa ka i Petrus bo ka ana-anaguruNa sapulu randua.

Pompakita 3:19

Isema-sema nipotoveKu, Kuonteaka bo Kujeani ala mompatuduki ira. Haitu sampe Kuuli ka komiu, pakadidi raramiu bo kajeamo lako ri dosamiu.