Markus 16:1 - Kaili Ledo

¹ Naliupa eo penonto, hau i Maria Magdalena, i Maria tina Yakobus, nosanggani ante i Salome nangali rampa-rampa navangi rakenira rapolanaira karobata i Yesus.

Markus 16:1 ပူးပေါင်းရင်းမြစ်များ

Markus 14:3

Tempo i Yesus naria ri ngata Betania, Ia hau ri banua i Simon anu nadua oge bara ipia. Da nonturo nangande ri sia, nakavamo saito mombine nanggeni sangu botolo nipovia lako ri vatu pualam. Botolo haitu noisi lana dupa nasuli mpuu alina anu nipovia lako ri kale navangi. Mombine haitu nombakotosaka tambolo botolo haitu bo nitolina lana dupa ri balengga i Yesus, tandana pebilana ka Ia.

Markus 14:8

Mombine hitu novia anu nipakulena. Ia nombatoli lana dupa ka Yaku mompakasadia karoKu ratana.

Markus 15:40

Naria muni bara sako-ndua mombine neangga nompeintaka nggavao. Ri tatangara muni naria i Maria Magdalena, i Maria tina i Yoses bo i Yakobus muda. Bo naria muni i Salome.

Markus 15:42

Eo haitu nambela eo pompasadia ka eo penonto, apa mailena eo penontomo. Uru nggovia haitu,

Markus 15:47

Tempo haitu i Maria Magdalena bo i Maria tina Yoses nanggita ponturo nipombaboli karobata i Yesus.

Markus 16:2

Bo ri eo Aka mpadondo mpisina, eo paratama minggu haitu dako nebonda eo, hau ri dayomo mombine tatalu pangane.

Markus 16:8

Jadi nesuvumo ira lako ri dayo bo nangova nalai, sabana natekaja bo naeka mpuumo rarara. Ira ledo notesa nuapa-nuapa ka isema-sema sabana naeka. [Mombine gahaitu hau nte i Petrus bo roa-roana, bo kaliu-liu nitesara pura-pura anu niuli nu kabilasa haitu ka ira. Naupu sia i Yesus nantudu anaguruNa hau ri umba-umba ri dunia lako ri mpanauna sampe ri mpandakena mompatolele Kareba lako nte Alatala anu notesaki katuvua nabelo sampe ri kasae-saena. Kareba haitu nagasa bo ledo nabali-bali sampe ri kasae-saena.]

Lukas 23:54

Haitu najadi nggoviana ri eo pompakasadia ka eo penonto. Nangoseaka kabiasa ntoYahudi, nompamula kasolo nu eo, ira nitagi nokarajaa sabana nompamulamo eo penonto.

Lukas 23:56

Naupu haitu nanjilimo ira hau rangata, pade nipakasadiara rampa-rampa bo lana dupa radika ri karobata i Yesus. Eo sunjuna haitu eo penontomo, jadi nenontomo ira nokarajaa, nantuntuni atura agama ntoYahudi.

Lukas 24:1

Eo Aka sanggaeo mpisina, mombine gahaitu hau ri dayomo nanggeni rampa-rampa nipakasadiara ka karobata i Yesus.

Yohanes 19:25

Tina i Yesus nosanggani-nggani ante sampesuvuna mombine neangga napara kayu salib. Naria muni i Maria berei i Klopas bo i Maria Magdalena.

Yohanes 19:31

Eo haitu eo pompakasadia ka eo penonto, bo eo penonto haitu nambela eo pamulana posusa Paskah ntoYahudi. Nantuntuni ada ntoYahudi ledo mamala karobata ntona nipaku ri kayu salib rapalamba moloe hamai sampe eo penonto, nemopa eo penonto haitu Eo Mbaso. Jadi haitu sampe pakeni-pakeni ntoYahudi nerapi nte i Pilatus ala kada ntona nipaku ri kayu salib haitu raboba pakakoto ala tona haitu masalisa mamate bo karobatara masalisa ratauraka lako ri kayu salib.