Markus 15:43 - Kaili Ledo

⁴³ nakavamo saito toArimatea nosanga i Yusuf. Ia saito lako ri Polibu Mbaso Agama Yahudi bo nibila ntodea. Ia muni nantongoraka tempona Alatala moparenta mpo Magau. Ia nompebia hau mantingayo i Pilatus merapi karobata i Yesus.

Markus 15:43 ပူးပေါင်းရင်းမြစ်များ

Matius 19:30

Tapi nadea tona narikolu sii-sii, majadi maripuri bara maipia. Bo nadea muni tona anu naripuri sii-sii, majadi marikolu bara maipia.”

Matius 20:16

Bo i Yesus nompakaupu porapa haitu ante nanguli, “Ivesia muni bara maipiapa, tona naede panggana sii-sii majadi tona malanga panggana. Bo nadea muni tona nalanga panggana sii-sii majadi tona maede panggana.”

Matius 27:57

Nasolopa eo, nakavamo saito tona nakalumana nosanga i Yusuf. I Yusuf mai lako ri ngata Arimatea bo ia muni topangoseaka i Yesus.

Markus 14:54

I Petrus netuntuni nggavao ri puri i Yesus bo todea sampe nesua riara doyata nu banua nu Pakeni nTopanggeni Pesomba. Nakava hamai, nonturomo ia nanderu nosanggani-nggani ante topojaga.

Markus 15:44

Nahera mpuu i Pilatus nangepe i Yesus nasalisa namate. Jadi nirondena balengga ntantara bo nipekutanana, <>

Lukas 2:25

Tempo haitu ri ngata Yerusalem naria langgai nosanga i Simeon. Ia tona nanoa, anu natundu nte parenta nu Alatala bo nantongoraka tempona Alatala mompakasalama todea toIsrael. Nosa Gasa nu Alatala naria nte ia.

Lukas 2:38

Jadi tempo i Yesus nikeni ri Banua nu Alatala, eva nisuka, neonga muni i Hana, bo nikitanamo i Yesus. Jadi nitoiyana Alatala, bo nitesana Ngana haitu ka pura-pura tona nantongoraka tempona Alatala mombakabasaka toYerusalem lako ri balira.

Lukas 23:50

Naria langgai nosanga i Yusuf, lako ri ngata Arimatea ri bagia Yudea. Ia tona nabelo bo pokaingguna nanoa. Ia nantongoraka tempona Alatala moparenta mpo Magau. Ia saito lako ri Polibu Mbaso Agama Yahudi tapi ledo nasituju ia ante potangara bo poviara nompatesi i Yesus.

Yohanes 19:38

Naupu haitu, i Yusuf toArimatea hau nomperapi karobata i Yesus lako nte i Pilatus. I Yusuf haitu topangoseaka i Yesus, aga ledo nisani ntona sabana ia naeka ka pakeni ntoYahudi. Perapi i Yusuf haitu nipoiyo i Pilatus. Jadi haumo i Yusuf nantauraka karobata i Yesus lako ri kayu salib.

Suro-Suro 13:50

Tapi tomaoge-tomaoge bo mombine-mombine anu naria nturona bo natundu nte Alatala, nipakapane ntoYahudi sampe i Paulus bo i Barnabas nipandasa bo nipopalai lako ri ngata haitu.

Suro-Suro 17:12

Nadea ira toYahudi nomparasaya i Yesus, bo nadea muni toYunani anu naria nturona, nomparasaya muni, mombine bo langgai.

Filipi 1:14

Bo deanapa sampesuvu sampomparasaya ri sii nantambai karoso pomparasayara i Pue Yesus, sabana nikitara Tupu nantulungi yaku ri tarunggu sampe domo naeka ira, tapi nantambaimo kabiara nompatolele Tesa nu Alatala.