Markus 15:40 - Kaili Ledo

⁴⁰ Naria muni bara sako-ndua mombine neangga nompeintaka nggavao. Ri tatangara muni naria i Maria Magdalena, i Maria tina i Yoses bo i Yakobus muda. Bo naria muni i Salome.

Markus 15:40 ပူးပေါင်းရင်းမြစ်များ

Matius 13:55

Apa ledo Ia haitu ana i Yusuf pande kayu? Apa ledo i Maria tinana? Bo sampesuvuNa langgai i Yakobus, i Yusuf, i Simon bo i Yudas?

Matius 27:61

Tapi i Maria Magdalena ante i Maria ntanina, nonturo ri sia nantingayo dayo haitu.

Matius 28:1

Naliu eo penonto, dopame nebonda eo, ri eo Aka hau i Maria Magdalena bo i Maria ntanina manggita dayo i Yesus.

Markus 15:47

Tempo haitu i Maria Magdalena bo i Maria tina Yoses nanggita ponturo nipombaboli karobata i Yesus.

Markus 16:1

Naliupa eo penonto, hau i Maria Magdalena, i Maria tina Yakobus, nosanggani ante i Salome nangali rampa-rampa navangi rakenira rapolanaira karobata i Yesus.

Markus 16:9

[Eo Aka mpadondona, naliu i Yesus natuvu mpanjili lako ri kamateNa, nipopakitaNamo karoNa ka i Maria Magdalena. I Maria haitumo mombine anu nikabasaka i Yesus lako ri kuasa nu seta papitu bara ipia.

Lukas 19:3

Ia madota manggita i Yesus, tapi ledo nikitana sabana naede karona bo nadea mpuu tona nombatagui i Yesus.

Lukas 23:49

Pura-pura roa i Yesus bo mombine anu nosanggani nte Ia lako ri bagia Galilea, neangga nggavao nompeintaka pura-pura anu najadi haitu.

1 Korintus 9:5

Natantumo kami muni masipato moberei nte topomparasaya bo manggeni berei kami mosanggani-nggani riara polipa kami, nasimbayu mpo anu nipovia nu suro-suro ntanina bo sampesuvu-sampesuvu i Pue Yesus mboto bo i Petrus.

Galatia 1:19

Tapi yaku ledo nanggita suro-suro ntanina, aga i Yakobus tuei i Pue Yesus.

Yakobus 1:1

Sura hitu lako nte yaku, i Yakobus. Yaku batua nu Alatala bo batua i Pue Yesus Kristus. Nadea tabe ka komiu todea nu Alatala ri njumangu dunia.