Markus 15:32 - Kaili Ledo

³² Ane Ia mpuu-mpuu Magau ntoIsrael, Magau Topepakasalama, agina Ia manau lako ri kayu salib ala rakitata bo raparasayata Ia!>> Bo tona nipaku ri kayu salib ri sinjori i Yesus muni nombadee Ia.

Markus 15:32 ပူးပေါင်းရင်းမြစ်များ

Matius 1:17

Jadi lako nte i Abraham sampe Magau Daud naria sapulu pata-ntapi mulina. Bo lako ri Daud sampe ri tempo toYahudi nikeni mpalai hau ri tana Babel naria sapulu pata-ntapi muni. Bo lako ri tempo toYahudi nikeni hau ri tana Babel sampe pompoanaka i Kristus naria sapulu pata-ntapi muni.

Matius 27:42

“Tona ntanina nipakasalamaNa. Tapi peinta vei! KaroNa mboto ledo namala nipakasalamaNa! Ane Ia mpuu-mpuu Magau ntoYahudi, agina Ia manau lako ri kayu salib bo kami momparasaya Ia!

Matius 27:44

Bo ivesia muni i Yesus nidee ntopeago-topeago anu nipaku ri kayu salib ri sinjoriNa.

Markus 15:26

Ri kayu salibNa naria dopi nitulisi anu nipangadu ka Ia ivei: MAGAU NTOYAHUDI.

Markus 15:27

Naria muni randua topeago nipaku ri kayu salib ntanina nosanggani-nggani ante i Yesus, saito ri pangganaNa bo saitopa ri panggaiNa.

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Yohanes 12:13

Jadi nialara tava ndate bo hau ira nombatomunaka i Yesus bo nongare-ngaremo ira, “Hosana! Ratoiyamo Alatala! Maoge belo ka Ia anu nakava niposumba nu Alatala! Iamo Magau ntoIsrael!” Mazmur 118:26

Roma 3:3

Sanu toYahudi ledo naroo nomparasaya pojanji nu Alatala. Tapi nau ivesia, nee rasarumakamiu Alatala ledo mompakadupa pojanjiNa.

2 Timotius 2:18

Ira nasalandalamo lako ri pepatuduki nakana bo aga nompakagero pomparasaya ntona. Niulira naliumo pompakatuvu mpanjili tona namate. Pepatudukira haitu ledo ntoto nakana.