Markus 14:21 - Kaili Ledo

²¹ Yaku, Ana nu Manusia, kana mamate, nangoseaka anu nitulisi riara Buku Gasa. Tapi mandasa mpuu tona mompobalu Yaku! Aginapa ia ledo nipoanaka ntinana.>>

Markus 14:21 ပူးပေါင်းရင်းမြစ်များ

Matius 26:54

Tapi ane ivesia, ledo madupa tesa riara Buku Gasa anu nanguli pura-pura hitu kana majadi nte Yaku.”

Matius 26:56

Tapi domo. Kana majadi ivesia mamimo ala madupa tesa nitulisi nabi-nabi nggaulu ri Buku Gasa.” Naupu haitu nipalaika nu anaguruNa puramo Ia.

Markus 14:20

Nesana i Yesus, <

Markus 14:22

Tempo ira da nangande, i Yesus nangala roti bo nosambaya nanguli tarima kasi ka Alatala. Naupu haitu nitubiNamo roti haitu pade nidekeiNa ka anaguruNa bo niuliNa, <>

Markus 14:49

Eo-eo Yaku nompaguru ri doyata Banua nu Alatala bo komiu naria ri sia muni, tapi ledo nisakamiu Yaku! Tapi ivesia mamimo kana majadi ala madupa tesa nitulisi riara Buku Gasa.>>

Lukas 22:22

Yaku, Ana nu Manusia kana mamate mami nangoseaka anu nipakatantu nu Alatala. Tapi mandasa mpuu tona mompobalu Yaku!”

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Yohanes 19:28

Nisani i Yesus naupu puramo bagoNa. Jadi notesamo Ia ala madupa tesa nitulisi riara Buku Gasa. NiuliNa, “Nabai tamboloKu.”

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Suro-Suro 4:27

O Pue, dopa nasae ri ngata hitu, Magau Herodes bo i Pontius Pilatus nasiromu ante toIsrael bo tona ledo nosisani nte Komiu. Patujura mangeva i Yesus, BatuaMiu nagasa, anu nipelisiMiu majadi Magau Topepakasalama.