Markus 13:8 - Kaili Ledo

⁸ Tempo haitu tona sangata mosieva nte tosangatana, bo magau simbo magau mosieva muni. Bo ri umba-umba ri dunia kana maria lingu bo maria muni kamate ara. Pura-pura haitu da kasusa pamulana, eva dua kole nirasai mombine tempo noana.

Markus 13:8 ပူးပေါင်းရင်းမြစ်များ

Matius 24:8

Tapi kajadia haitu pura-pura aga kasusa pamulana, eva dua kole nirasai mombine tempo moana.

Markus 13:7

Ane raepemiu kareba posieva napara nte komiu bara nakavao nte komiu, nee maeka! Pura-pura haitu kana majadi ntani ruru, tapi haitu dopa nakava mpuu kaupu nu dunia.

Markus 13:9

Komiu kana mainga-inga sabana komiu rasaka bo rakeni rapangadu ri ngayo ntopotangara. Komiu raboba riara banua-banua petupu bo rakeni rapoposintingayoka gubernur-gubernur bo magau-magau sabana komiu nomparasaya Yaku. Bo haitumo loga ka komiu motesa pomparasayamiu Yaku ka ira.

Suro-Suro 11:28

Saito ira nosanga i Agabus. Ia neangga ri tatangara bo ante pekeniaka Nosa Gasa nu Alatala, niulina kana majadi ara mpai ri njumangu dunia. (Ara mpai haitu mpuu-mpuu najadi tempo i Klaudius najadi Magau Mbaso).

1 Tesalonika 5:3

Tempo tona ledo nomparasaya Alatala aga manguli, “Katuvuta ri dunia nabelo pura, ledo ria nuapa-nuapa rapokaekata.” Tapi ri tempo haitumo ledo rasani-sanira, sampesanika maropumo ira, masimbayu mpo dua nu mombine tempona moana. Ledo ntoto maria dala mombaleva pehuku.

Pompakita 6:4

Bo nesuvu munimo sangu jara nalei buluna. Topesavi jara haitu nidekeika kuasa mompoposinggarau manusia ri dunia ala ira mosipatesi. Bo ia nidekeika guma nambaso samata.