Markus 13:34 - Kaili Ledo

³⁴ Haitu nasimbayu nte porapa hitu: Naria saito tona hau ri ngata nakavao. Dopame ia hau, nidekeina mami kuasa ka batua-batuana mombaurusi banuana. Saito-saito nipakatantuna pokarajaa ka ira. Bo topojagai vamba nitevaina mainga-inga ante kakavana.

Markus 13:34 ပူးပေါင်းရင်းမြစ်များ

Matius 16:19

Yaku mombadekei ka iko gunji Poparenta nu Alatala, haitumo, kuasa manggeniaka todea anu nomparasaya Yaku. Nuapa-nuapa mutagi ri dunia, haitu muni anu nitagi nu Alatala ri suruga. Bo nuapa-nuapa mudekei rapovia ntona ri dunia, haitu muni anu nidekei nu Alatala ri suruga.”

Yohanes 10:3

Topojaga gimpu mombabuka bobaa ka ia, bo bimba-bimba haitu mombatalingai suarana ane rapokiona sangara sangu-sangu. Bo rakenina ira hau ri savalikuna.

Roma 13:6

Ivesia muni sampe kita masipato mombayari balasitee, apa topeparenta nantulungi Alatala tempo ira nompapola bagora.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

Kolose 3:24

Nisanimiumo i Pue mboto mombadekei tambo ka komiu anu nijanjiNa ka pura-pura topomparasaya Ia. Kakanana i Kristusmo tua anu nitulungimiu, bo komiu batuaNa.

Kolose 4:1

Sampesuvu-sampesuvu anu najadi tua. Komiu kana mokainggu masipato bo manoa nte batua-batuamiu. Toramo, komiu muni naria Tupumiu ri suruga!

Pompakita 3:7

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Filadelfia ivei: “Hitumo tesa lako nte Yaku anu nagasa bo nanoa. Yakumo nantipale gunji nu vamba Poparenta Magau Daud. Ane Yaku mombaungge vamba, ledo ria saitoa tona mamala mombatutuina, bo ane Yaku mombatutui vamba ledo muni maria saitoa tona mamala mombaunggena.