Markus 13:19 - Kaili Ledo

¹⁹ Apa ri tempo haitu maria pepandasa anu nadaa mpuu, anu dopa naria nirasai manusia lako ri pamulana dunia nipajadi nu Alatala. Bo domo majadi hanupa ri tempo makava.

Markus 13:19 ပူးပေါင်းရင်းမြစ်များ

Matius 24:21

NiuliKu ivesia sabana ri eo haitu madaa mpuu pepandasa rapambela ka manusia. Dopa sanggani najadi pepandasa eva haitu, nompamula lako ri lamba pamulana sampe sii-sii, bo domo majadi hanupa ri tempo makava.

Markus 10:6

Tapi ri lamba pamulana tempo Alatala nompajadi dunia, Ia nompajadi manusia langgai bo mombine.

Markus 13:18

Posambayamo ala pepandasa haitu ledo majadi ri tempo ranindi.

Markus 13:20

Rapana tempo pepandasa haitu ledo rapakambuku nTupu, natantu nau saitoa tona ledo ria matuvu. Tapi lako ri tove nu Alatala ka todea topomparasaya anu nipelisiNa, tempo pepandasa haitu kana rapakambukuNa.

Pompakita 7:14

Nesanamo yaku, “Tua, ledo nisaniku, komiu nangisanina.” Bo nangulimo ia ka yaku, “Ira gahaitumo tona nipakasalama tempo pepandasa anu nelabi mpuu kadaana. Nitoposira pakeara sampe naramputi ante raa nu Ana Bimba, haitumo, dosara niampungi.