Markus 13:12 - Kaili Ledo

¹² Bo tempona haitu muni maria tona mombadekei sampesuvuna mboto rapatesi sabana sampesuvuna nomparasaya Yaku. Bo maria totua mombadekei anana mboto rapatesi. Ngana-ngana mangeva tina tuamara mboto bo mombadekei ira rapatesi.

Markus 13:12 ပူးပေါင်းရင်းမြစ်များ

Matius 10:21

Makava tempona maria tona mombadekei sampesuvuna mboto rapatesi sabana sampesuvuna nomparasaya Yaku. Bo maria muni totua mombadekei anana mboto rapatesi. Bo ngana-ngana mangeva tina tuamara mboto bo mombadekei ira rapatesi.

Matius 24:10

Bo madea topangoseaka Yaku moura pomparasayara, bo mosipobalu ntali roara sampomparasaya, bo mosipovuu matamo ira.

Markus 13:11

Ane komiu rasaka bo rakeni ratangara, nee makini raramiu mompekirika anu raulimiu. Ane makavamo gantana motesa, ulimo anu radekei ka komiu raulimiu. Sabana tesa-tesa raulimiu haitu ledo mopuna lako nte komiu mboto, tapi lako ri Nosa Gasa nu Alatala.

Markus 13:13

Komiu rapovuu mata ntodea sabana komiu nangoseaka Yaku. Tapi isema-sema naroo pomparasayana sampe ri kaupuna, ia kana rapakasalama nu Alatala.>>

Lukas 21:16

Tempona haitu nau tina tuamamiu, sampesuvu sararamiu bo roamiu mompobalu komiu ka balimiu. Maria sanu komiu rapatesira.