Markus 12:5 - Kaili Ledo

⁵ Pade nitudu ntupu ntalua vai saito batua ntanina. Tapi batua haitu nipatesira. Bo ivesia muni nipoviara ante batua-batua ntanina. Naria aga nibobara, bo naria ntanina nipatesira.

Markus 12:5 ပူးပေါင်းရင်းမြစ်များ

Matius 22:6

roara ntanina aga nosaka batua-batua nitudu nu magau haitu pade nibobara bo nipatesira.

Matius 23:37

“Heh, komiu toYerusalem! Komiu nompatesi nabi-nabi bo tona nisuro nu Alatala nirempemiu vatu sampe namate! Nadea ngganimo Yaku madota mombasaliku komiu pura-pura, nasimbayu mpo manu tina nombarumutasi anana, tapi ledo nadota komiu.

Matius 5:12

Ivesia muni nipoviara ka nabi-nabi nggaulu. Jadi kadamba-dambamo raramiu ane tutu majadi nte komiu sabana naoge mpuu belo nipakasadia ka komiu ri suruga.”

Markus 12:4

Naliu haitu, nitudu ntupu ntalua vai saitopa batua ntanina hau nte topojampangi talua. Tapi tona haitu muni aga nibobara sampe nabere balenggana, bo nipakaeyara.

Markus 12:6

Kaupuna damo saito naboli nte tupu ntalua, haitumo anana nipotovena. Nituduna muni anana haitu hau nte topojampangi talua apa nipekirina,

Markus 9:13

Tapi Kuuli ka komiu, kakanana nakavamo Nabi Elia, bo tona nompovia ia nangoseaka dotara mboto, evamo nitulisi riara Buku Gasa.>>

Lukas 6:36

Komiu muni kana mepotove nasimbayu eva pepotove nu Alatala, Tuamamiu.”