Markus 12:12 - Kaili Ledo

¹² Naupu haitu, pakeni ntoYahudi nompasimbuku mombasaka i Yesus, sabana nisanira iramo nipambela ri porapaNa pangane. Tapi naeka ira ka todea. Jadi nalaimo ira.

Markus 12:12 ပူးပေါင်းရင်းမြစ်များ

Matius 21:26

Tapi ane raulita kuasana lako nte manusia, naeka kita nte todea, sabana ira pura-pura nomparasaya i Yohanes mpuu-mpuu nabi nTupu.”

Matius 22:22

Nangepe pesana i Yesus haitu, nokumaa mpuumo ira. Jadi kaupuna nalaimo ira.

Markus 11:18

Balengga-balengga ntopanggeni pesomba bo guru-guru agama nangepe anu najadi haitu. Jadi nieloramo dala mompatesi i Yesus. Naeka rarara nanggita Ia, sabana pura-pura tona nokumaa nangepe pepatudukiNa.

Markus 11:32

Tapi nakaja muni ane raulita i Yohanes aga nombadiu ante kuasa nu manusia.>> Niulikara ivesia sabana ira naeka ka todea apa nadea tona nomparasaya i Yohanes mpuu-mpuu nabi nu Alatala.

Lukas 20:19

Nisani nu guru-guru agama bo balengga-balengga ntopanggeni pesomba, porapa haitu nipambela i Yesus ka ira. Sabana haitu, naoge rarara mombasaka i Yesus tempo haitu muni, tapi naeka ira ka todea.

Lukas 20:6

Tapi ane raulita kuasana lako nte manusia, natantu todea mombarempe kita ante vatu, sabana ira pura-pura nomparasaya i Yohanes mpuu-mpuu nabi.”

Yohanes 7:25

Naupu haitu naria bara sako-ndua toYerusalem nanguli, “Ledo Ia hitumo tona nielo nu pakeni-pakeni ala rapatesira?

Yohanes 7:30

Nangepe haitu, nipasimbukura mombasaka Ia. Tapi ledo ria saitoa nompakule nombasakaNa sabana dopa nakava tempona nipakatantu nu Alatala.

Yohanes 7:44

Naria bara sako-ndua ira madota mombasaka Ia, tapi ledo ria saitoa nabia nanggangisiNa.