Markus 10:32 - Kaili Ledo

³² I Yesus ante anaguruNa da ranja mpolipa hau ri ngata Yerusalem. I Yesus nokolumo. Jadi nahera mpuu rara anaguruNa nompekirika anu majadi hamai ngena. Tona ntanina anu netuntuni ri purira naeka. I Yesus nombaronde sangganipa vai anaguruNa sapulu randua bo notesa ka ira anu majadi ri karoNa ngena.

Markus 10:32 ပူးပေါင်းရင်းမြစ်များ

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Matius 13:11

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.

Markus 1:27

Nanggita haitu, nokumaa puramo todea ri sia sampe ira nosimpekutana, <>

Markus 4:34

Ia bate-batena nompake porapa ane notesa ka todea. Tapi ane nosanggani-nggani ante ana-anaguruNa, ledo nipakeNa, bo pura-pura tesaNa nitenteiNa pakalanto ka ira.

Lukas 10:23

Naupu haitu i Yesus neili nompeintaka anaguruNa bo notesa ala ledo raepe ntona ntanina. NiuliNa ka ira ivei: “Nabelo mpuu komiu sabana komiu nanggita pura-pura anu nipoviaKu.

Lukas 19:28

Naupu i Yesus notesa pura-pura haitu, nokolumo Ia hau nantende ri Yerusalem.

Lukas 9:51

Naparamo tempona i Yesus meore hau ri suruga, nipakatantuNamo Ia kana hau ri ngata Yerusalem.

Yohanes 11:16

Bo i Tomas anu nidae “Ngana Rapi” nanguli ka roa-roana anaguru i Yesus, “Anumo, kita mangoseaka Ia ala kita muni mamate mosanggani-nggani ante Ia.”

Yohanes 11:8

Nesana anaguruNa, “Guru, dopa nasae toYahudi hamai madota mombarempe Komiu ante vatu sampe mamate. Nuapa sabana sii-sii Komiu madota hau vai?”