Nesana i Yesus, “Nakuya tano iko nompekutana pokainggu tobelona nte Yaku? Aga Alatala nabelo, ledo ria ntanina. Ane iko madota manggava katuvua nabelo sampe ri kasae-saena, oseakamo parenta-parenta nu Alatala.”
Tantu nisanimu parenta-parenta nu Alatala anu nanguli, nee mepatesi, nee mobualo, nee mangangga, nee mosabi dava, nee mebagiu, bo bilamo tina tuamamu.>>
Pura-pura tona nasalandala lako ri dala nakana, katuvura domo ria gunana. Ledo ria tona nokainggu nabelo, nau saitoa ledo ntoto ria. Mazmur 14:1-3, 53:1-3
Pura-pura pedekei nabelo, anu ledo ria galona nadaa, nakava lako nte Alatala ri suruga. Ia nompajadi pura-pura anu nareme ri langi. Vayo-vayo najadi lako ri reme haitu nasaro nabali, tapi Ia ledo nabali. Ia bate-batena nabelo.
Jadi haitumo sampe nisanita bo nisarumakata Alatala nompotove kita. Toramo! Alatala puna nu tove, jadi isema-sema nepotove, ia bate-batena natuvu nosangu rara ante Alatala, bo Alatala bate-batena natuvu riara ntaina.
