Markus 10:14 - Kaili Ledo

¹⁴ Nanggita haitu naraumo rara i Yesus sampe niulikaNa anaguruNa, <

Markus 10:14 ပူးပေါင်းရင်းမြစ်များ

Matius 18:10

Jadi pakabelo-belo, nee mompandaente ngana kodi eva ngana hitu. Sabana Kuuli ka komiu, malaeka-malaeka anu nombajagai ira, bate-batena naria ri ngayo nTuamaKu ri suruga.

Matius 18:4

Jadi tona anu mompakaede rarana bo majadi eva ngana kodi hitu, iamo naogepa riara Poparenta nu Alatala.

Matius 19:14

Nanguli i Yesus ka ana-anaguruNa, “Palambakamo ngana-ngana gahitu makava nte Yaku. Nee ratagi ira. Apa aga tona nasimbayu ingguna eva ngana-ngana gahitu masipato majadi todea riara Poparenta nu Alatala.”

Matius 5:10

Nabelo mpuumo tona nipandasa sabana novia anu nanoa ri panggita nu Alatala. Iamo majadi todea riara Poparenta nu Alatala.

Matius 5:3

“Nabelo mpuumo tona nisanina ledo rapakulena mompakasalama karona mboto bo aga nanjarumaka Tupu, sabana iamo najadi todea riara Poparenta nu Alatala.

Markus 3:5

Jadi i Yesus neili nangganoto tona ri sia. Narau mpuu raraNa tapi nabuku muni raraNa nanggita ira nakaa gaga bagara. Ledo ntoto naasi matara nanggita tona nakoyo palena. Bo nanguli Ia ka tona haitu, <> Niodo ntona haitu mpuumo palena, bo nabelomo.

Markus 8:33

Tapi i Yesus neili nangganoto anaguruNa pura-pura, bo nituduNa i Petrus, <>

Yohanes 3:3

Nesana i Yesus, “Pariaramo tesaKu hitu, ledo ria saitoa tona mamala majadi todea riara Poparenta nu Alatala ane ia ledo rapoanaka mpanjili.”

Yohanes 3:5

Nesana i Yesus, “Pariaramo tesaKu hitu; ane tona ledo rapoanaka ante uve bo ante kuasa Nosa Gasa nu Alatala, tona haitu ledo mamala majadi todea riara Poparenta nu Alatala.

Suro-Suro 2:39

Apa Alatala nojanji mombadekei Nosa Gasa ka komiu pura-pura, bo ka muli nu mulimiu, bo ka tona ri ngata nakavao. PojanjiNa haitu ka pura-pura tona nipokio nTuputa Alatala majadi todeaNa.”

Suro-Suro 3:25

Janji-janji nu Alatala anu nipasimbayu nu nabi-nabi, nambela komiu sii-sii. Pojanji nipovia nu Alatala nte totuamiu nggaulu nambela muni nte komiu. Alatala nojanji ka Nabi Abraham, totuata nggaulu ivei: ‘Lako ri mulimu ngena, Kudekei belo ka pura-pura manusia ri dunia.’ Kajadia 22:18; 26:4 Jadi sampesuvu-sampesuvu, komiumo nantarima belo nijanji nu Alatala haitu!

Roma 11:16

Ane santubi roti niala ntani ruru bo nidekei ka Alatala, nasimbayu mpo pura-pura roti haitu nidekei ka Alatala. Bo ane kale nu kayu nireke Alatala tupuna, batuana tinggu-tingguna muni Ia tupuna. ToIsrael nggaulu nireke Alatala tupura, ivesia muni, muli ntoIsrael nireke Alatala tupura.

Roma 11:28

Sii-sii toYahudi nireke bali nu Alatala sabana ira ledo nadota nomparasaya Kareba Belo. Bo haitumo anu nanggeni belo ka komiu tona ledo toYahudi. Tapi naupa ivesia, toYahudi da nipotove nu Alatala, sabana Ia nompelisi ira nggaulu majadi todeaNa, bo kana nitoraNa pojanjiNa nte totuara nggaulu.

1 Korintus 14:20

Sampesuvu-sampesuvuku, tumo mompekiri mpo ngana-ngana. Komiu kana manoto mpo tona nambasomo. Tapi ane anu daa, komiu kana masimbayu mpo ngana kodi anu dopa nisanina novia nadaa.

1 Korintus 7:14

Apa ana-anara nireke bagia nu Alatala sabana saito totuara nomparasaya i Kristus. Bereina anu ledo nomparasaya i Kristus nireke bagia nu Alatala sabana bereina topomparasaya. Ane ledo ivesia, ana-anara masimbayu mpo ana-ana ntona ledo nomparasaya.

Efesus 4:26

Ane marau komiu, nee sampe rau raramiu mompakanavu komiu riara dosa. Nee mombaboli rau rara sampe masolo eo,

2 Timotius 1:5

Yaku nosukuru nte Alatala apa nitoraku iko nomparasaya i Yesus nte mpuu-mpuu raramu. Tupumu mombine i Lois, bo tinamu, i Eunike anu nokolu nomparasaya. Bo nisaniku pomparasayamu nasimbayu nte pomparasayara.

2 Timotius 3:15

Lako ri kakodimu nisanimu isi Buku Gasa, bo Buku Gasa haitumo nompakanoto raramu sampe iko namala nomparasaya i Yesus Kristus bo rapakasalama.

1 Petrus 2:2

Ngana kodi dako nesuvu naino rarana nantomi uve njusu ntinana. Ivesia muni komiu kana maino rara mangepe Tesa nu Alatala anu najadi kandea nagasa ka nyawamiu. Ivesiamo posisanimiu nte Alatala mantambai maroso, sampe ratarimamiu pura-pura belo nipakasadiaNa ka tona nipakasalamaNa.

Pompakita 14:5

Ira ledo sanggani nodava, bo nau aga sakide ledo ntoto naria salara.