Markus 1:45 - Kaili Ledo

⁴⁵ Tapi nau nitagi, kana hau nipatolelena kajadia pangane. Nitesana ka tona ri umba-umba sampe i Yesus domo namala nesua rangata. Ia nonturo ri savaliku ngata ri kalinona. Tapi naupa ivesia, todea lako ri umba-umba nakava njuu nte Ia.

Markus 1:45 ပူးပေါင်းရင်းမြစ်များ

Matius 28:15

Jadi tantara-tantara nangala doi haitu bo nitesa-tesara anu nitudu ka ira. Bo tesa tantara-tantara haitu batena nipatolele ri tatanga ntoYahudi sampe sii-sii.

Matius 9:26

Naupu haitu, kajadia haitu natolele sampe ri pura-pura ngata ri njumangu bagia haitu.

Matius 9:31

Tapi nalaimo ira bo nompatolele kareba i Yesus ri pura-pura ngata ri njumangu bagia haitu.

Markus 2:13

Naliu haitu, hau vai sangganipa i Yesus ri tinggi rano. Nadea mpuu tona nakava nte Ia, bo Ia nompatuduki ira.

Markus 3:20

Naupu sia i Yesus nanjili hau ri banua. Tapi nakava vai sanupa tona dea nasiromu, sampe Ia ante anaguruNa ledo nakapo nangande.

Markus 3:7

I Yesus ante anaguruNa hau ri Rano Galilea. Nadea mpuu tona lako ri bagia Galilea nantuntuni ira. Nadea muni tona nakava lako ri bagia Yudea,

Markus 7:36

I Yesus nombatagi tona gahaitu, nee rapatolele kajadia haitu ka tona ntanina. Tapi nggosena nitagi, nggosenamo nipatolelera.

Yohanes 6:2

Nadea mpuu tona nantuntuni Ia sabana nikitaramo tanda-tanda nipokumaaka nipoviaNa nompakabelo tona nadua.

Titus 1:10

Niuliku ivesia, sabana nadeamo tona nangeva pepatuduki nakana, nelabipa topanguli kita topomparasaya kana mangoseaka Atura-atura agama evamo ada suna. Ira nombabagiu tona ntanina ante tesara anu ledo ria batuana.