Markus 1:35 - Kaili Ledo

³⁵ Nasadondo mpuu, da naruyona, nembangumo i Yesus bo nompalaisi banua. Ia hau ri ponturo nakalinoa bo nosambaya hamai.

Markus 1:35 ပူးပေါင်းရင်းမြစ်များ

Matius 14:13

Tempo i Yesus nangepe kareba i Herodes nangelo Ia, nipalaisiNa ponturo haitu. NipesaviNa sakaya bo hau saitoNa ri ponturo kalinona. Tapi niepe ntodea nalaimo i Yesus, ira muni nompalaisi ngata-ngatara bo hau nolipa ri kabatana mantuntuni Ia.

Matius 14:23

Naupu Ia nompopanjili todea, nantendemo Ia saitoNa mosambaya ri bulu. Nabongimo, da ri bulu Ia saitoNa.

Markus 1:36

Tapi i Simon ante roa-roana nangelo Ia.

Lukas 5:16

Tapi i Yesus nasaro hau ri kalinona nosambaya.

Lukas 6:12

Tempo haitu, i Yesus ante topangoseaka Ia hau nantende ri bulu. Nakava sumai Ia nosambaya ka Alatala njambongi ntua.

Yohanes 4:34

Jadi nanguli i Yesus ka ira, “Mangoseaka dota nu Alatala anu nantudu Yaku, bo mompakaupu pokarajaa niparasayaNa ka Yaku, haitumo kandeaKu.

Yohanes 6:15

Nisani i Yesus ira nopatuju makava mompasuu Ia majadi magaura. Jadi nalaimo Ia saitoNa hau ri bulu.

Efesus 6:18

Komiu kana masaro mosambaya bo merapi tulungi nte Alatala. Nuapa-nuapa rapoviamiu, posambayamo, nangoseaka pekeniaka Nosa Gasa nu Alatala. Komiu kana mainga bo nee maupu raramiu mosambaya. Nggani-nggani mosambaya, sambayani pura-pura todea nu Alatala.

Filipi 2:5

Pekirimiu bo inggumiu kana masimbayu nte pekiri bo inggu i Yesus Kristus.

Ibrani 5:7

Tempo i Yesus da naria ri dunia Ia nosambaya ante buku rara bo nekakai nerapi tulungi nte Alatala anu nompakule mompakasalama Ia lako ri kamateNa. Bo posambayaNa niepe nu Alatala sabana Ia batena nekou nte Alatala bo ledo nangoseaka dotaNa mboto.