Markus 1:22 - Kaili Ledo

²² Nokumaa mpuu tona nangepe pepatudukiNa, apa Ia ledo nompaguru mpo guru-guru agama. Ia nompaguru mpo tona nakuasa mpuu.

Markus 1:22 ပူးပေါင်းရင်းမြစ်များ

Matius 13:54

hau ri ngataNa mboto. Ri sia Ia nompaguru tona ri banua petupura. Natekaja ira nangepe tesaNa, sampe ira nosimpekutana, “Lako ri umba tano nikavaNa noto eva haitu? Bo lako ri umba muni nikavaNa kuasa novia kabaraka-kabaraka?

Markus 1:23

Riara banua petupu tempona haitu, naria langgai nipesua nu seta. Sampesanika nongaremo ia ante suara namangga,

Lukas 2:47

Pura-pura tona nangepe Ia nokumaa, sabana natau mpuu Ia nesanaka guru agama.

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

Lukas 4:32

Nokumaa pura ira ri sia nangepe pepatudukiNa, apa Ia notesa mpo tona nakuasa.

Yohanes 7:46

Nesanamo topojaga Banua nu Alatala haitu, “Dopa naria niepe kami tona notesa mpo Ia.”

Suro-Suro 6:10

Tapi ledo nipakulera nombasapu anu niuli i Stefanus, sabana Nosa Gasa nu Alatala nombadekei kapande ka ia notesa.

2 Korintus 4:2

Tapi ane kami, kami domo nangoseaka pokainggu nadaa anu nepakaeya. Kami ledo nebagiu bo ledo nantenggoaka Tesa nu Alatala. Alatala sabi kami bo nikitaNa kami aga nompatolele anu nakana ala rasani ntodea kami namala raparasaya.