Lukas 8:39 - Kaili Ledo

³⁹ “Panjilimo, tesa ka tonamo anu nipovia nu Alatala ka iko.” Jadi hau mpuumo tona haitu ri njumangu ngatana bo nitesanamo pura-pura anu nipovia i Yesus ka ia.

Lukas 8:39 ပူးပေါင်းရင်းမြစ်များ

Markus 1:45

Tapi nau nitagi, kana hau nipatolelena kajadia pangane. Nitesana ka tona ri umba-umba sampe i Yesus domo namala nesua rangata. Ia nonturo ri savaliku ngata ri kalinona. Tapi naupa ivesia, todea lako ri umba-umba nakava njuu nte Ia.

Markus 5:18

Tempo i Yesus nesavi sakaya vaimo, tona nipesua nu seta pangane nerapi nte mpuu-mpuu ala ia rapaloga mantuntuni i Yesus.

Markus 5:19

Tapi i Yesus nombatagi ia ivei: <>

Lukas 8:38

Tona nikabasaka lako ri seta haitu nerapi ante mpuu-mpuu rarana ala ia muni mamala mantuntuni i Yesus. Tapi i Yesus nantudu ia,

Lukas 8:40

Tempo i Yesus nanjili lako ri sambote rano, Ia nitomunaka ntodea ante damba rara, apa ira nompopea kakavaNa.

Yohanes 4:29

“Kamaimo! Kita hau mompeinta langgai ria anu nombatesa ka yaku pura-pura anu nipoviaku. Bara suga Iamo Magau Topepakasalama anu nijanji nu Alatala.”

1 Timotius 5:8

Tapi ane maria tona ledo nantulungi sampesuvu-sampesuvuna, nemopa ira sambanua, tona haitu nompoara pepatuduki nakana. Nadaapa ia pade tona ledo nomparasaya.