Lukas 5:5 - Kaili Ledo

⁵ Nesana i Simon, “Guru, sambongi ntuamo kami nompemala bau tapi nau sambaa ledo ntoto naria nikava kami. Tapi apa Komiu netudu, jadi ratendeaka kami sangganipa jala mompemala bau.”

Lukas 5:5 ပူးပေါင်းရင်းမြစ်များ

Lukas 17:13

bo nongare, “Yesus! Poasimo kami!”

Lukas 8:24

Jadipa haumo anaguruNa nombalike i Yesus, “Guru, Guru! Mamatemo kita!” Nangepe topelike, nembangumo i Yesus. NipopetaaNa poiri bo balumba mbaso, netaa mpuumo! Bo rano haitu natinontomo.

Lukas 8:45

Nekutanamo i Yesus, “Isema nanggabe Yaku pangane?” Pura-pura tona nesapu, bo i Petrus nanguli, “Guru, ri sii nadea tona nosiaso ri sinjoriMiu bo nomposimpii Komiu.”

Lukas 9:33

Tempo tona randua haitu mompalaisi i Yesus, nangulimo i Petrus, “Guru, nasana mpuu kita ri sii. Agina kami movia tatalu sou ri sii, sangu ka Komiu, sangu ka Nabi Musa bo sangu ka Nabi Elia.” Ledo nisani i Petrus batua nu tesa nisovadakana.

Lukas 9:49

Nanguli i Yohanes ka i Yesus, “Guru, nikita kami tona nompopalai seta ante kuasaMiu. Tona haitu nitagi kami, apa ia ledo samporoa nte kita.”

Yohanes 15:14

Bo komiu mpuu-mpuu vegaKu ane komiu mangoseaka parenta-parenta nidekeiKu ka komiu.

Yohanes 2:5

Bo nangulimo tinaNa ka topokarajaa ri posusa haitu, “Poviamo nuapa-nuapa ratuduNa ka komiu ngena.”

Yohanes 21:3

Nanguli i Simon Petrus ka roa-roana, “Hau mompemala bau ri rano yaku.” Nesana roana, “Hau muni kami.” Jadi hau ira nosanggani-nggani nesavi sakaya. Nojala baumo ira njambongi ntua tapi ledo ntoto ria bau namala nialara.