Lukas 22:26 - Kaili Ledo

²⁶ Tapi ledo ivesia nte komiu. Kakanana isema naoge kana majadi masimbayu mpo tona naede, bo pakenimiu kana majadi masimbayu mpo batua.

Lukas 22:26 ပူးပေါင်းရင်းမြစ်များ

Matius 20:26

Tapi ledo mamala ivesia ante komiu. Isema-sema komiu madota majadi pakenimiu, ia kana majadi topotulungimiu.

Markus 10:43

Tapi ledo mamala ivesia nte komiu! Isema-sema komiu madota majadi pakenimiu, ia kana majadi topotulungimiu.

Markus 9:35

Naliu haitu, nonturomo i Yesus bo nirondeNamo anaguruNa sapulu randua haitu, bo nanguli, <>

Lukas 9:48

bo niulikaNa ira, “Isema-sema nantarima ngana hitu sabana pomparasayana Yaku, nasimbayu mpo nitarimana muni Yaku. Bo isema-sema nantarima Yaku, nitarimana muni Alatala anu nantudu Yaku. Jadi isema-sema naede rarana, iamo nalangapa panggana ri panggita nu Alatala.”

Roma 12:2

Domo rapasialamiu kabiasa ntona ledo nosisani nte Alatala. Dekeimo Alatala mompakabaru pekirimiu ala inggumiu mabali. Ane ivesia, rasanimiu mpuu-mpuu dota nu Alatala, haitumo, rasanimiu anu nabelo, anu nipokono nu Alatala, bo anu ledo nasala ri panggitaNa.

1 Petrus 5:3

Bo nee damo dota-dota mompatundu topomparasaya anu niparasayaka komiu, tapi nabelopa komiu majadi jonjo anu masipato rapasialara.

1 Petrus 5:5

Ivesia muni komiu da namuda. Komiu kana mekou nte totua. Bo komiu topomparasaya pura-pura kana mompakaede raramiu bo mositulungi. Apa nitulisi riara Buku Gasa: “Alatala nangeva tona nalanga rarana, tapi nipoasiNa tona naede rarana.” Amsal 3:34