Lukas 19:12 - Kaili Ledo

¹² Jadi i Yesus nompasimbayu karoNa mboto ka ana madika nte porapa hitu: “Naria saito ana madika, patujuna hau ri ngata nakavao ala ralanti nu Magau Mbaso majadi madika. Maupu sia pade manjili tumai moparenta ri ngatana mboto.

Lukas 19:12 ပူးပေါင်းရင်းမြစ်များ

Matius 21:38

Tapi tempo topokarajaa talua haitu nanggita ana ntupu ntalua tumai, nosiulikamo ira, ‘Eh! Tumaimo ana ntupu ntalua anu rakaboli mbara-mbara ntotuana. Anumo! Rapatesitamo ia ala talua hitu raalata majadi bagiata.’

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Markus 12:1

I Yesus notesa ka ira ante nompake porapa ivei: <

Markus 16:19

Naupu i Yesus notesa ivesia ka ira, neoremo Ia hau ri suruga bo nonturo ri sabingga nggana nu Alatala.

Lukas 20:9

Naupu haitu i Yesus notesa porapa ka todea ivei: “Naria saito langgai notuda salimpu talua anggur. Taluana haitu nidekeikana ka bara sako-ndua topokarajaa mojampangina, damo mobagi aselena. Pade nalaimo ia hau ri ngata ntanina bo nasae nonturo hamai.

Lukas 24:51

Da nosambaya, nolanggamo i Yesus lako ri ngayora, bo neore hau ri suruga.

Yohanes 18:37

Bo nekutana vaimo i Pilatus, “Ane ivesia tano, magau mpuu Iko?” Nesanamo i Yesus, “Nakana niulimiu tutu tu, Yaku hii magau. Yaku tumai nipoanaka ri dunia ante patuju mompopaisani anu nakana. Isema-sema nompotove anu nakana, rapariarana tesaKu.”

Suro-Suro 17:31

Apa nipakatantuNamo tempona bara maipia pura-pura manusia ri dunia ratangara ri kanoana. Pokarajaa motangara haitu nidekeiNa ka saito tona nipelisiNa lako ri nggauluname. Alatala nompakatuvu mpanjili tona haitu lako ri kamateNa ala malanto ka pura-pura tona Ia mpuu-mpuu nipelisi nu Alatala majadi Topotangara pura-pura manusia.”

1 Korintus 15:25

Apa i Kristus kana moparenta mpo Magau sampe pura-pura baliNa rapopekou nu Alatala nte Ia.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

1 Petrus 3:22

Bo i Yesus neore hau ri suruga bo sii-sii nonturo ri ponturo nibila ri panggana nu Alatala bo nomparenta nosanggani-nggani nte Ia. Bo pura-pura malaeka bo topoparenta bo tonakuasa ri laerava natundu nte Ia.

Pompakita 1:7

Peintamo! Ia makava nibungu kulimu. Ia rakita ntona pura-pura, nau ira anu nombatosu usuNa. Bo pura-pura valaa manusia ri dunia motumangi mpojea manggita Ia. Haitu mpuu-mpuu majadi! Amin!