Lukas 16:31 - Kaili Ledo

³¹ Tapi nesana i Abraham, ‘Ane ledo rapariarara parenta Nabi Musa bo nabi-nabi ntanina, tantu ledo muni raparasayara nau maria tomate matuvu mpanjili!’ ”

Lukas 16:31 ပူးပေါင်းရင်းမြစ်များ

Lukas 16:30

Tapi nesana tokalumana, ‘Ledopa magana. Tapi ane maria tona namate matuvu mpanjili hau nte ira, tantu ira majea movia dosa.’

Lukas 17:1

I Yesus nanguli ka anaguruNa, “Natantu kana maria mpengaya-ngaya anu mompakanavu tona riara dosa. Tapi masilaka mpuu topepakanavu!

Yohanes 5:47

Tapi ane ledo niparasayamiu anu nitulisi Nabi Musa, berimbamo komiu mamala momparasaya tesaKu?”

Suro-Suro 19:8

Talu-mbula kasaena i Paulus hau njuu ri banua petupu ntoYahudi ri ngata haitu. Ledo nakaja rarana nombatesa Poparenta nu Alatala bo nosinjula pekiri nte ira. Dotana ala ira momparasaya i Yesus.

Suro-Suro 26:28

Nanguli Magau Agripa ka i Paulus, “Nisarumakamu yaku hii mamala kaliu-liu mupajadi toKristen?”

Suro-Suro 28:23

Jadi nipakatantura eo rakasiromura ante i Paulus. Nanggavapa eo niovora, nadea tona nakava nasiromu ri banua i Paulus. Lako ri mpadondona sampe nggoviana i Paulus nombatesa Poparenta nu Alatala ka ira bo nombatentei pepatuduki i Yesus. Nibacana lako ri Buku Atura Agama nitulisi Nabi Musa bo Buku Nabi-nabi ntanina, ala rasanira tesana nakana bo raparasayara i Yesus mpuu-mpuu Magau Topepakasalama.

2 Korintus 4:3

Ane da nariapa tona dopa nompaha Kareba Belo nipatolele kami, aga tona anu maropu bara maipia ledo nompahana, haitumo tona ledo nomparasaya.

2 Korintus 5:11

Jadi naeka rara kami movia anu ledo rapokono nTupu, apa nisani kami Ia mombatangara kita pura-pura. Jadi haitumo sabana kami nompasimbuku manggeni tona momparasaya i Yesus. Nisani nu Alatalamo isi rara ntai kami. Bo nisarumakaku rasanimiu muni isi rara ntai kami bo domo monggai raramiu mompekirika kami.