Lukas 13:17 - Kaili Ledo

¹⁷ Tesa i Yesus, nompakaeya topangeva Ia. Tapi tona ntanina nadamba pura nanggita kabaraka nipoviaNa.

Lukas 13:17 ပူးပေါင်းရင်းမြစ်များ

Lukas 14:6

Nangepe tesa i Yesus haitu, ledo ria saitoa ira nabia nesana.

Lukas 18:43

Kaliu-liu namala mpuumo nekita toburo haitu, bo haumo ia nantuntuni i Yesus bo nombatoiya Alatala. Pura-pura todea ri sia anu nanggita kajadia haitu, nantoiya Alatala.

Lukas 19:48

Tapi ledo nikavara dala mompatesi Ia, sabana pura-pura todea nadamba gagamo nangepe tesaNa.

Lukas 20:40

Jadi domo nabia ira nekutana hanupa nte i Yesus.

Suro-Suro 4:21

Ledo nikava ntopolibu anu masipato rahuku ka i Petrus bo Yohanes. Jadi niparanggara vaimo randua suro haitu pade nikabasakaramo, sabana naeka ira ka todea. Apa pura-pura todea nantoiya Alatala sabana kabaraka haitu.

2 Timotius 3:9

Tapi ledo rapakulera mompapola pangevara pepatuduki nakana, sabana kadoyora haitu kana malanto rasani ntodea, nasimbayu nte anu najadi nte i Yanes bo Yambres nggaulu.

Titus 2:8

Pakemo tesa-tesa nakana bo masipato, anu ledo mamala rasalai ntona. Ane mupatuduki ivesia, tona nangeva kita maeya matara, apa pura-pura anu niulimu nabelo. Ledo maria nuapa-nuapa nadaa anu namala rasalaira ka kita.

1 Petrus 3:16

Bo komiu kana matuvu ante rara ntai nagasa, mbelaka maria tona manjalai pokainggu nabelo nipoviamiu sabana pangoseakamiu i Kristus, ira kana maeya mboto.