Lukas 12:20 - Kaili Ledo

²⁰ Tapi Alatala nanguli ka ia, ‘Heh, todoyo! Bongi hitu iko mamate. Pura-pura anu nipakasadiamu, isema tupuna ngena?’ ”

Lukas 12:20 ပူးပေါင်းရင်းမြစ်များ

Lukas 11:40

Nadoyo mpuu komiu! Alatala ledo aga nompajadi karomiu tapi nipajadiNa muni rara ntaimiu!

1 Tesalonika 5:3

Tempo tona ledo nomparasaya Alatala aga manguli, “Katuvuta ri dunia nabelo pura, ledo ria nuapa-nuapa rapokaekata.” Tapi ri tempo haitumo ledo rasani-sanira, sampesanika maropumo ira, masimbayu mpo dua nu mombine tempona moana. Ledo ntoto maria dala mombaleva pehuku.

1 Timotius 6:17

Timotius, ulika tona nakalumana ri dunia hitu ala nee majadi malanga rarara bo nee aga manjarumaka mbara-mbara ri dunia anu sakide-sakide malipo. Ira kana manjarumaka Alatala anu nompopelabi-labi ka kita mpengaya-ngaya anu niparaluuta rapodamba-dambata.

1 Timotius 6:7

Apa tempo kita nipoanaka ledo ria nuapa-nuapa nikenita riara dunia hitu, bo ane kita mamate ledo ria nuapa-nuapa mamala rakenita lako ri dunia hitu.

Yakobus 4:14

Tapi ledo nisanimiu nuapa majadi riara nggatuvumiu maile! Katuvumiu ri dunia hitu nasimbayu mpo sumoa, sampalai kodi nikita, nalipomo.