Kolose 4:6 - Kaili Ledo

⁶ Ane komiu motesa nte ira, tesa-tesamiu kana malusu bo marasa raepe. Kana rasanimiu munimo cara masipato mesanaka pompekutanara.

Kolose 4:6 ပူးပေါင်းရင်းမြစ်များ

Matius 5:13

“Komiu nasimbayu eva gara ri dunia. Tapi ane gara mamolimo, domo mapaga mpanjili! Natantu gara haitu domo ria gunana, bo aga ratedaka bo rajeje-jeje ntona.

Markus 9:50

Gara nabelo mami, tapi ane gara mamolimo, berimba mapaga mpanjili? Ivesia muni komiu, topangoseaka Yaku. Komiu kana masimbayu mpo gara bo nee rapalamba pomparasayamiu malente. Komiu kana matuvu mosinggabelo nte roa ntanina.>>

Lukas 4:22

Pura-pura tona ri sia nokumaa nangepe Ia, sabana nabelo mpuu anu niuliNa. Niulira, “Nabelo mpuu anu nitesaNa! Berimba bo mamala Ia motesa ivehaitu? Ia aga ana i Yusuf!”

Efesus 4:29

Sampesuvu-sampesuvu, ane komiu motesa, nee rasovadakamiu tesa nadaa tapi sovadakamo tesa-tesa masipato, anu mombatulungi bo mompakaroso rara ntona ntanina. Tesa-tesa ivehaitu manggeni belo ka topangepena.

Kolose 3:16

Kareba anu notesaki i Kristus kana rapariarata bo ratanondoakata sampe mamala mosipatuduki bo mosipopatora, nangoseaka noto anu naria riara ntaita. Podadekamo dade Mazmur lako ri Buku Gasa, bo dade-dade pantoiya Alatala bo dade-dade nidekei nu Nosa Gasa. Kita kana modade ante mpuu-mpuu rarata, manguli tarima kasi ka Alatala.

1 Petrus 3:15

Tapi bilamo i Kristus riara ntaimiu bo pakaoge Ia sabana Ia Tupumiu nagasa. Bo ane rapekutana ntona komiu, nuapa sabana komiu nanjarumaka i Pue, komiu kana masadia mesana ka ira. Bo pesanamiu haitu kana rapovia ante ede rara bo ante tesa-tesa nalusu.