Kolose 3:7 - Kaili Ledo

⁷ Bara ipia komiu muni da nokainggu ivehaitu, tempo komiu da nikuasai dota raramiu nadaa.

Kolose 3:7 ပူးပေါင်းရင်းမြစ်များ

Roma 7:5

Bara ipia, dopame kita nomparasaya i Yesus, kita natuvu nangoseaka dota rarata anu nadaa. Anu nitagi nu Atura agama, aga haitumo nipodotata rapovia. Jadi, nipaketa karota novia dosa sampe kita masipato rahuku mate bo rapopogaa lako nte Alatala.

1 Korintus 6:11

Bara ipia bara sako-ndua komiu nokainggu ivesia muni. Tapi katuvumiu nipakagasa nu Alatala. Komiu najadi todeaNa nipatani ka Ia, bo komiu nipakanoa ri panggitaNa. Haitu pura-pura najadi ante kuasa Nosa Gasa nu Alatala sabana komiu nomparasaya i Pue Yesus Kristus.

Efesus 2:2

Komiu natuvu nangoseaka kabiasa-kabiasa nu manusia ri dunia hitu, haitumo komiu nangoseaka dota nu Magau Seta, pakeni nu kuasa-kuasa nadaa ri laerava. Iamo nombakuasai rara ntai ntona anu ledo natundu nte Alatala.

Kolose 2:13

Bara ipia dopame komiu nomparasaya i Kristus, komiu nireke namate sabana komiu nadosa bo ledo nangoseaka atura-atura nu Alatala. Tapi sii-sii, Alatala nompakatuvu komiu nosanggani-nggani nte i Kristus, bo pura-pura dosamiu niampungiNamo.

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.