Kolose 1:28 - Kaili Ledo

²⁸ Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.

Kolose 1:28 ပူးပေါင်းရင်းမြစ်များ

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 3:7

Nadea toFarisi bo toSaduki nakava mekidiu nte i Yohanes. Tapi tempo i Yohanes nanggita ira, nanguli ia, “Komiu noakala nasimbayu eva ule! Nisarumakamiu ane komiu radiu, komiu ledo rapambela pehuku nu Alatala bara maipia! Tapi ledo nakana!

Matius 5:48

Jadi komiu kana mokainggu mabelo ante mpuu-mpuu raramiu, nasimbayu eva pokainggu nu Alatala, Tuamata ri suruga.”

Markus 6:34

Tempo i Yesus nanau lako ri sakaya, nikitaNa nadea mpuu tona nompopea Ia. Naasi mpuu mataNa nanggita ira apa ira nasimbayu mpo bimba-bimba ledo ria topoevuna. Jadi Ia nompatuduki mpengaya-ngaya pepatuduki ka ira.

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

Suro-Suro 10:36

Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

Suro-Suro 11:20

Tapi naria muni roara lako ri levuto Siprus bo propinsi Kirene hau ri ngata Antiokhia bo nompatolele Kareba Belo i Yesus ka tona ledo noagama Yahudi.

Suro-Suro 13:38

Jadi sampesuvu-sampesuvu, kami nompopaisani ka komiu dosamiu namala raampungi nu Alatala sabana anu najadi nte i Yesus.

Suro-Suro 17:18

Nosinjula tesa muni ia nte guru-guru anu nangoseaka pepatuduki i Epikuros bo guru-guru nangoseaka pepatuduki anu niuli Stoa. Bara sako-ndua guru-guru haitu nosisanai ante i Paulus. Naupu sia, naria sanu nanguli, “Nuapa nisani ntona moitu? Pangisanina aga sakide, tapi tesana nadea!” Bo naria tona ntanina nanguli, “Ia bara madota mompopaisani viata-viata nisomba ntosangatana ka kita!” Niulikara ivesia apa i Paulus notesa i Yesus, bo nitesana muni tona natuvu mpanjili lako ri kamatena.

Suro-Suro 17:3

Lako ri Buku Gasa, nipopakitana ka ira bo nitenteina ka ira Magau Topepakasalama anu nijanji nu Alatala kana rapandasa bo rapatesi, bo matuvu mpanjili lako ri kamateNa. Niulina, “I Yesus nipatoleleku ka komiu, Iamo Magau Topepakasalama nijanji nu Alatala.”

Suro-Suro 20:31

Jadi komiu kana mainga! Toramo, sampesuvu-sampesuvuku. Talu-mpae kasaena, eo bongi yaku ledo nenonto nompatuduki bo nompainga komiu saito-saito, bo nadea uve mataku natiti.

Suro-Suro 3:20

Bo Alatala mompakaroso bo mompakasana raramiu. Bo Ia muni mombatudu i Yesus makava nte komiu, sabana i Yesus hitumo nipelisi nu Alatala majadi Magau anu mompakasalama komiu.

Suro-Suro 5:42

Bo eo-eo ri Banua nu Alatala bo muni ri banua-banua ntona, ira nompatolele Kareba Belo bo nompatuduki ka tona i Yesusmo Magau Topepakasalama anu nijanji nu Alatala.

Suro-Suro 8:35

Jadi, i Filipus nompasimbayu Kareba Belo i Yesus ka tona haitu nompamula lako ri tesa-tesa nibacana pangane.

Suro-Suro 8:5

Saito ira nosanga i Filipus. Ia hau ri ngata Samaria bo nipatolelena ka tona hamai i Yesusmo Magau Topepakasalama anu nijanji nu Alatala.

Suro-Suro 9:20

Tempo haitu muni, ia kaliu-liu hau ri banua-banua petupu ntoYahudi ri Damsyik nompatolele kareba i Yesus ka toYahudi. Ia nanguli, “Yesusmo Ana nu Alatala!”

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

1 Korintus 1:23

Tapi kami aga nompatolele Kareba kamate i Kristus ri kayu salib. KamateNa haitu nompakadua rara ntoYahudi, bo nireke ntoYunani aga tesa ledo ria gunana.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

1 Korintus 12:8

Saito tona nidekeika nu Nosa Gasa pompakule mapande motesa. Tona ntanina nidekeika nu Nosa Gasa haitu muni pompakule mombatentei anu nipopaisani nTupu ka ia.

1 Korintus 15:12

Kami nompatolele ka komiu tesa nanguli i Kristus nipakatuvu mpanjili. Jadi nakuya naria sanu komiu nanguli tona namatemo ledo rapakatuvu mpanjili?

1 Korintus 2:15

Tona naria Nosa Gasa nu Alatala nte ia, nompakule nomparesa bo nompaha mpengaya-ngaya. Tapi tona ledo naria Nosa Gasa nte ia, ledo nompakule mombapaha pekiri ntona naria Nosa Gasa.

1 Korintus 2:6

Naupa ivesia, ane kami notesa ka topomparasaya anu naroso pomparasayana, naria muni kapande nipasimbayu kami ka ira. Tapi kapande haitu ledo nasimbayu ante kapande lako ri dunia nadaa hitu atau kapande ntopomparenta ri dunia nadaa hitu, apa kuasara nalipo-lipomo.

1 Korintus 4:14

Sampesuvu-sampesuvuku, patujuku notulisi hitu ka komiu ledo mompakaeya komiu, tapi mompatuduki komiu mpo ana-anaku anu nipotoveku.

2 Korintus 10:14

Kami ledo nombaliunaka anu masipato raoe kami ane kami mangoe pokarajaa kami nte komiu. Ane rapana kami ledo nakava ri ngatamiu bara ipia nanggeni Kareba Belo, natantu ledo maria kuasa kami mangoe pokarajaa kami ri bagiamiu. Tapi naria kuasa kami mangoe pokarajaa kami nte komiu, apa kamimo paratama nakava ri ngatamiu nanggeni Kareba Belo i Kristus.

2 Korintus 11:2

Yaku mpuu-mpuu nompariarantaika komiu, nasimbayu mpo Alatala nompariarantaika komiu! Komiu nirapaka randaa nagasa pokaingguna anu nipopotengeakuka saito langgai, haitumo i Kristus. Batua porapa hitu, yakumo anu paratama nompatuduki komiu momparasaya i Yesus. Dotaku ala komiu ledo molinja ntanina tapi bate-batena momparasaya Ia.

2 Korintus 4:5

Kareba nipatolele kami haitu ledo kareba karo kami mboto. Tapi kareba haitu nompakalanto i Yesus Kristusmo Tuputa pura-pura, bo kami hitu najadi batua nisuro i Yesus mombatulungi komiu.

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Efesus 5:27

I Kristus novia ivesia ala kita todeaNa majadi masipato mantingayo Ia, nasimbayu mpo boti mombine anu nagaya mpuu ri panggita nu bereina, nagasa bo nabelo ntoto, anu ledo nakura nuapa-nuapa, bo ledo ria nuapa-nuapa rasalai.

Kolose 1:22

Tapi, sii-sii Alatala nompoposinggabelo mpanjili komiu ante Ia sabana kamate i Kristus. I Kristus nombadekei karoNa rapatesi ala komiu majadi magasa, bo komiu ledo masala atau makura ri panggitaNa.

Kolose 2:10

Bo komiu natuvu mpuu bo ledo nakura nuapa-nuapa sabana komiu nosangu rara ante i Kristus. I Kristus nalangapa nturoNa pade pura-pura anu nakuasa bo anu nomparenta ri suruga bo dunia.

Kolose 2:3

I Kristusmo topompopaisani pura-pura noto bo pangisani nu Alatala anu dopa nisani ntona.

Kolose 3:16

Kareba anu notesaki i Kristus kana rapariarata bo ratanondoakata sampe mamala mosipatuduki bo mosipopatora, nangoseaka noto anu naria riara ntaita. Podadekamo dade Mazmur lako ri Buku Gasa, bo dade-dade pantoiya Alatala bo dade-dade nidekei nu Nosa Gasa. Kita kana modade ante mpuu-mpuu rarata, manguli tarima kasi ka Alatala.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

1 Tesalonika 4:6

Nee movia dosa ka sampesuvumiu sampomparasaya bo nee rabagiu ia ante mangala bereina, sabana Alatala mombahuku pura-pura tona nokainggu ivehaitu. Haitu pura-pura nipatuduki bo nipopatora kami ka komiu bara ipia.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

1 Timotius 3:2

Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.

Ibrani 10:14

Jadi lako ri pesombaNa sangu, i Kristus nompakalali dosata, bo nompakanoa kita ri panggita nu Alatala sampe kita domo makura nuapa-nuapa sampe ri kasae-saena.

2 Petrus 3:15

Toramo, posabara nTupu nombadekei loga ka manusia rapakasalama. Ivesia muni nitulisi nu sampesuvuta i Paulus nipotoveta. Surana haitu nitulisina nangoseaka noto nidekei nu Alatala ka ia.