Ibrani 9:10 - Kaili Ledo

¹⁰ Atura-atura haitu aga nosinggambela ante kandea, panginu bo mpengaya ada pediu. Atura-atura haitu aga nosinggambela ante karota, ledo nosinggambela ante rara ntaita, bo atura-atura haitu aga nipake sampe makava tempona Alatala movia pojanji nabaru.

Ibrani 9:10 ပူးပေါင်းရင်းမြစ်များ

Markus 7:4

Ivesia muni ane ira manjili lako ri potomu. Dopame ira nangande, kana nipegasara ntani karora pade mamala mangande. Bo nadea muni ada-ada ntanina nioseakara. Evamo, cara motoposi boda, jolo, kura, bo paturu.

Galatia 4:9

Tapi sii-sii nisanimiumo Alatala—atau nabelopa rauli, nisani nu Alatala komiu. Jadi nakuya komiu madota matundu mpanjili nte anu ledo nompakule mantulungi komiu majadi manoa ri panggita nu Alatala? Nakuya komiu madota rapobatuara mpanjili?

Efesus 1:10

ri tempo nipakatantuNa. Iveimo niaNa haitu: pura-pura anu naria ri suruga bo ri dunia rapoposinggabeloNa lako ri posangu rarara nte i Kristus, bo i Kristus mombabalenggai pura-pura.

Kolose 2:16

Jadi sampesuvu-sampesuvu, nee rapariara tesa ntona madota mompasuu komiu mangoseaka ada nu agamara. Nipakasalara komiu sabana komiu nangande bara nanginu anu nipopali nangoseaka ada-adara, atau komiu ledo nangoseaka ada eo-eo mbaso agamara, eo mbaso kagero bula, bara eo-eo penonto. Nee rapariara tesara haitu

Ibrani 10:22

Jadi kita kana metupu nte Alatala ante rarata naliangu bo pomparasayata ledo nolengga-lengga. Apa rara ntaita nipakagasamo ante raa i Kristus, jadi nisanita domo ria salata. Kita nidiu ante uve gasa, tandana kita nipakagasaNamo.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.

Ibrani 2:5

Ledo malaeka-malaeka nanggava kuasa lako nte Alatala moparenta ri dunia nabaru bara maipia, haitumo dunia nitesata ri sii.

Ibrani 6:2

Nee aga mombasili pepatuduki ada pediu, atau ada mombadika pale ri balengga ntona merapi belo ka ira. Nee aga mombasili pepatuduki matuvu mpanjili lako ri kamatea bara maipia atau pepatuduki pehuku sampe ri kasae-saena. Nee aga mombasili-sili pepatuduki pamulana haitu, kana ratambaipa!

Ibrani 6:5

Nirasairamo Tesa nu Alatala nabelo bo nirasairamo kuasa lako ri dunia baru nu Alatala.

Ibrani 7:12

Jadi ane topanggeni pesomba lako ri valaa i Lewi rasambei, natantumo atura-atura nikeniakara kana rasambei muni.

Ibrani 7:16

Ia najadi topanggeni pesomba ledo nangoseaka atura-atura nggaulu anu nompakatantu muli isema masipato majadi topanggeni pesomba. Tapi Ia najadi topanggeni pesomba sabana Ia nakuasa bo katuvuNa ledo ria kaupu-upuna.

Ibrani 9:1

Riara pojanji nu Alatala nokolu haitu naria atura-atura anu nompakatantu cara metupu nte Alatala, bo naria muni tenda petupu nipovia nu manusia.