Ibrani 8:11 - Kaili Ledo

¹¹ Bo ira domo paraluu mompatuduki roa-roa bo sampesuvu-sampesuvura mosisani ante Alatala, sabana ira pura-pura, nau totua, nau ngana, mosisani ante Yaku.

Ibrani 8:11 ပူးပေါင်းရင်းမြစ်များ

Yohanes 6:45

Riara buku nabi-nabi nitulisi ivei: ‘Pura-pura tona rapatuduki nu Alatala.’ Yesaya 54:13 Jadi isema-sema mompariara pepatuduki nTuamaKu bo meguru lako nte Ia, tantu raparasayana Yaku.

Suro-Suro 8:10

Pura-pura tona ri ngata haitu, tomaoge bo tona biasa, nompariara tesana. Niulira, “I Simon mai naria baraka ntupu anu niuli ‘Baraka Oge’!”

1 Yohanes 2:27

Tapi kakanana domo paraluu tona ntanina mompatuduki komiu, sabana nitarimamiumo Nosa Gasa anu nipopanau i Kristus. Bo Nosa Gasa haitumo naroo riara ntaimiu bo nompatuduki ka komiu pura-pura anu paraluu rasanimiu. PepatudukiNa haitu nakana pura, ledo naria dava. Sabana haitu, komiu kana maroo matuvu mosangu rara nte i Kristus nangoseaka anu nipatuduki Nosa Gasa ka komiu.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.