Ibrani 7:9 - Kaili Ledo

⁹ I Lewi totua nu pura-pura topanggeni pesomba anu masipato radekeika sabagia lako ri sapulu bagia lako ri todea toYahudi. Tapi naupa i Lewi dopa nipoanaka tempo i Abraham nombadekei sabagia lako ri sapulu bagia ka i Melkisedek, namala rauli i Lewi mboto nombadekei sabagia lako ri sapulu bagia tempo haitu.

Ibrani 7:9 ပူးပေါင်းရင်းမြစ်များ

Matius 7:8

Apa isema-sema merapi, kana radekei ka ia. Isema-sema mompaelo kana rakavana. Bo isema-sema mantanede vamba, kana raungge ka ia.

Roma 5:12

Dosa neumba ri dunia sabana saito manusia nombaliunaka parenta nu Alatala, haitumo i Adam. Bo lako ri dosa i Adam haitu sampe naria kamatea ri dunia. Ivesiamo pura-pura manusia kana mamate apa pura-pura manusia novia dosa.

Ibrani 7:10

Sabana, ia nariamo riara karo ntotuana i Abraham tempo i Melkisedek nosinggava nte i Abraham.

Ibrani 7:4

Jadi pekirimo kaoge i Melkisedek hitu! I Abraham, tuama ntotuata nggaulu, nombadekei ka ia sabagia lako ri sapulu bagia pura-pura mbara-mbara tobelona nialasina lako ri magau-magau anu nidagina.

Ibrani 7:8

Ivesia muni i Melkisedek naogepa pade topanggeni pesomba lako ri valaa i Lewi. Ane topanggeni-topanggeni pesomba haitu anu nibagika sabagia lako ri sapulu bagia, ira manusia biasa anu namate. Tapi nangoseaka Buku Gasa, i Melkisedek anu nibagika i Abraham sabagia lako ri sapulu bagia, ledo namate tapi batena natuvu.