Ibrani 5:2 - Kaili Ledo

² Pakeni-pakeni nTopanggeni Pesomba aga manusia muni bo nadea kalentera. Haitumo sabana nalusu rarara nantulungi tona nadoyo bo nasalandala.

Ibrani 5:2 ပူးပေါင်းရင်းမြစ်များ

Lukas 22:32

Tapi niposambayaKukamo iko, Simon, ala pomparasayamu ledo moura. Jadi maupu iko rapesori bo muoseaka mpanjili Yaku, iko kana mompakaroso pomparasaya nu roamu.”

2 Korintus 11:30

Suro mpodava nangoe karora mboto, jadi yaku muni mangoe karoku mboto. Tapi ane yaku kana mantoiya karoku mboto, aginamo kalenteku kutoiya.

2 Korintus 12:5

Masipato yaku mangoe karo ntona ivehaitu sabana anu nikitana, tapi ledo kuoe karoku mboto. Yaku aga madota mangoe anu nompakalanto kalenteku.

Galatia 4:13

Nisanimiu mbotomo pamulana yaku nipaloga nompatolele Kareba Belo ka komiu sabana yaku nadua.

Efesus 4:18

bo ledo nipahara nuapa-nuapa. Katuvu nabaru lako nte Alatala ledo naria nte ira sabana ledo ntoto nisanira pepatuduki nakana anu notesaki Alatala. Ledo nisanira sabana nakaa bagara.

1 Timotius 1:13

Bara ipia yaku nanjalai i Yesus, yaku nompandasa bo nompakadaa topangoseaka Ia. Tapi naupa ivesia, nipoasiNa yaku, sabana tempo haitu dopa niparasayaku Ia, dopa nisaniku poviaku haitu nadaa.

Ibrani 12:13

Osemo dala nalumbu ala kadamiu nakejo ledo matepakodu, tapi maroso mpanjili.

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.

Ibrani 2:18

I Yesus mboto nombarasai kasusa bo kapari tempo nipesori, jadi Ia nompakule nombatulungi tona nipesori.

Ibrani 4:15

Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.

Ibrani 7:28

Nangoseaka Atura-atura agama Yahudi, tona nalente bo nadosa nianggataka najadi Pakeni nTopanggeni Pesomba, apa ira aga manusia biasa. Tapi naliu Atura-atura haitu, Alatala nojanji ante sumpa, bo nangoseaka pojanji haitu, nianggatakaNa AnaNa mboto majadi Pakeni nTopanggeni Pesomba. Bo AnaNa haitu nipajadi Topetolo anu ledo nakura nuapa-nuapa sampe ri kasae-saena.

Ibrani 9:7

Tapi aga Pakeni nTopanggeni Pesomba saitona nidekei mesua ri tombi karontombina anu niuli Tombi Nelabi Kagasana, bo haitu aga sanggani sampae. Tempo ia mesua kana rakenina raa rapesombana mombasompo dosana mboto bo dosa ntodea anu ledo nitunggaira.

Yakobus 5:19

Sampesuvu-sampesuvuku. Ane maria roamiu nasalandala lako ri pepatuduki nakana, bo maria roana manggeni ia manjili ri dala nakana, haitumo pokainggu nabelo.

1 Petrus 2:25

Tempo bara ipia, komiu mpo bimba-bimba nasalandalamo. Tapi sii-sii komiu nipopanjilimo nte Topoevu anu nombajagai katuvumiu.